Aýa raıyna baılanysty tórt oblysta respýblıkalyq joldar jabyldy
ASTANA. KAZINFORM – 22 qańtar kúni saǵat 18:00-degi jaǵdaı boıynsha aýa raıynyń qolaısyzdyǵyna baılanysty elimizdiń tórt oblysyndaǵy respýblıkalyq mańyzy bar úsh avtomobıl jolynda kólik qozǵalysyna ýaqytsha shekteý qoıyldy.
Jambyl oblysy
«RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 534-593 shaqyrym aralyǵy (Aısha bıbi aýyly – Túrkistan oblysynyń shekarasy) ýaqytsha jabyldy.
Túrkistan oblysy
Atalǵan avtojoldyń 593-654 shaqyrym aralyǵynda (Jambyl oblysynyń shekarasy – Mashat aýyly) kólik qozǵalysyna shekteý engizildi.
Jetisý oblysy
«Úsharal – Dostyq» avtojolynyń 84-164 shaqyrym aralyǵy (Kóktuma aýyly – Dostyq stantsııasy) boıynsha kólik qozǵalysy ýaqytsha toqtatyldy.
SQO
Búgin saǵat 21:00-de Soltústik Qazaqstan oblysynda aýa raıynyń buzylýyna baılanysty respýblıkalyq mańyzy bar barlyq baǵyttaǵy avtojoldarda jolaýshylar tasymaldaıtyn reıstik avtobýstar men dızel otynymen júretin avtokólikterdiń qozǵalysyna shekteý engiziledi.
Joldy 2026 jylǵy 23 qańtar saǵat 10:00-de ashý josparlanǵan.
Qazirgi ýaqytta respýblıkalyq mańyzy bar avtomobıl joldaryn kútip-ustaý jumystaryna 718 arnaıy tehnıka jumyldyrylǵan.
- 1403 baılanys ortalyǵyna habarlasyp, táýlik boıy qosymsha aqparat alýǵa bolady, - delingen QazAvtoJol aqparatynda.
Aıta keteıik, TJD Almaty oblysynyń júrgizýshilerine eskertý jasady.