Aýa raıyna baılanysty úsh oblysta kólik qozǵalysy shekteldi

ASTANA. KAZINFORM – QazAvtoJol aýa raıyna baılanysty úsh óńirde kólik qozǵalysyna shekteý qoıylǵanyn habarlady.

22 aqpan saǵat 20:00-de aýa raıynyń buzylýyna baılanysty kelesi avtojoldarda barlyq avtokólik túri úshin qozǵalysqa shekteý engiziledi:

Qostanaı oblysy:

– «Jezqazǵan – Arqalyq – Petropavl» avtojoly, km 252 – 377 (Ulytaý oblysynyń shekarasynan – Arqalyq qalasyna deıin);

– «Jezqazǵan – Arqalyq – Petropavl» avtojoly, km 340 – 377 (Arqalyq qalasynan – Aqmola oblysynyń shekarasyna deıin);

Ulytaý oblysy:

– «Jezqazǵan – Arqalyq – Petropavl» avtojoly, km 137 – 252 (Ulytaý qalasynan – Kostanaı oblysy shekarasyna deıin);

– «Jezqazǵan – Arqalyq – Petropavl» 64 – 137 shaqyrym aralyǵynda (Jezdi aýylynan Ulytaý kentine deıin);

Aqmola oblysy:

– «Jezqazǵan – Arqalyq – Petropavl» avtojoly, km 377 – 552 (Qostanaı oblysynyń shekarasynan – Surǵan aýylyna deıin). 

Aıta keteıik, joldy 2026 jylǵy 23 aqpan saǵat 09:00-de ashý josparlanyp otyr.

Buǵan deıin 22 aqpanda eldegi qaı joldarda qozǵalys tártibi ózgergenin jazǵanbyz.