Aýa raıyna baılanysty taǵy eki oblysta kólik qozǵalysy toqtatyldy
ASTANA. KAZINFORM — 29 jeltoqsan kúni saǵat 02.30-da kún raıynyń qolaısyzdyǵyna baılanysty tıisti organdar 2 oblysta respýblıkalyq mańyzy bar joldardaǵy kólik qozǵalysyna ýaqytsha shekteý engizdi. Bul týraly QazAvtoJol kompanııasy habarlady.
Aqtóbe oblysy
«Qostanaı — Rýdnyı — Denısovka — Komsomolskoe — Qarabutaq» avtomobıl jolynyń 5-234 shaqyrym aralyǵyndaǵy ýchaskesi (Qarabutyq eldi mekeninen Qostanaı oblysynyń shekarasyna deıin);
Qostanaı oblysy
«Qostanaı — Rýdnyı — Denısovka — Komsomolskoe — Qarabutaq» avtomobıl jolynyń 234-310 shaqyrym aralyǵyndaǵy ýchaskesi (Aqtóbe oblysy shekarasynan Adaevka aýylyna deıin) jabyq.
Joldy 29 jeltoqsan kúni saǵat 08:00-de ashý josparlanǵan.
Eske sala keteıik, aýa raıyna baılanysty keshe 28 jeltoqsan kúni túnde 4 óńirde jol qozǵalysy shekteldi.