Aýa raıyna baılanysty ShQO-da jol jabyldy

ASTANA. KAZINFORM – QazAvtoJol Shyǵys Qazaqstan oblysynda kólik qozǵalysyna shekteý qoıylǵany týraly shuǵyl aqparat taratty.

– 2026 jylǵy 6 qańtar saǵat 17:00-de aýa raıynyń buzylýyna baılanysty respýblıkalyq mańyzy bar «Almaty – Taldyqorǵan – Óskemen – Shemonaıha – RF shekarasy» avtojolynyń 1194-1212 shaqyrym aralyǵyndaǵy ýchaskesinde (Shemonaıha qalasynan RF shekarasyna deıin) júk jáne qoǵamdyq kólikterdiń qozǵalysyna shekteý qoıylady, - delingen habarlamada.

Joldy 2026 jylǵy 6 qańtar saǵat 22:00-de ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Aıta keteıik, 6 qańtar saǵat 15:00-de aýa raıynyń buzylýyna baılanysty úsh óńirdegi respýblıkalyq mańyzy bar avtojoldarda kóliktiń barlyq túrlerine shekteý qoıyldy.

Aýa raıy buzylyp, Pavlodar jáne Aqmola oblysynda jol jabylǵan bolatyn.