Aýa raıyna baılanysty respýblıkalyq joldarda kólik qozǵalysy shekteldi
ASTANA. KAZINFORM – QazAvtoJol úsh oblysta jol jabylǵanyna baılanysty shuǵyl málimdeme jasady.
29 jeltoqsan saǵat 23:00-de Qyzylorda oblysynda aýa raıynyń buzylýyna baılanysty «Samara-Shymkent» avtojolynyń 1357-2055 shaqyrym aralyǵynda (Aral q.- Túrkistan obl. shek.) avtokólikterdiń barlyq túriniń qozǵalysyna shekteý qoıý josparlanǵan.
2024 jylǵy 30 jeltoqsan saǵat 08:00-de joldy ashý josparlanyp otyr.
Sonymen qatar saǵat 23:00-de aýa raıynyń buzylýyna baılanysty kelesi respýblıkalyq mańyzy bar avtojoldarda kóliktiń barlyq túriniń qozǵalysyna shekteý qoıylady:
Qyzylorda oblysy:
- «Qyzylorda-Pavlodar» avtojolynyń 12-216 shaqyrym aralyǵyndaǵy ýchaskesi (Qyzylorda oblysynyń shekarasynan Ulytaý oblysynyń shekarasyna deıin);
Túrkistan oblysy:
- «Samara-Shymkent» avtojolynyń 2055-2095 shaqyrym aralyǵyndaǵy ýchaskesi (Qyzylorda oblysynyń shekarasynan Túrkistan qalasyna deıin);
Ulytaý oblysy:
- «Qyzylorda-Pavlodar» avtojolynyń 216-424 shaqyrym aralyǵyndaǵy ýchaskesi (Qyzylorda oblysynyń shekarasynan Jezqazǵan qalasyna deıin).
Aýa raıynyń buzylýyna baılanysty úsh oblysta jol jabylǵanyn jazǵan bolatynbyz.