Qala mańyna qatynaıtyn birneshe avtobýstyń qozǵalysy toqtady

ASTANA. KAZINFORM — City Transportation Systems kompanııasy kún raıynyń qolaısyzdyǵyna baılanysty qala mańyna qatynaıtyn birneshe avtobýstyń qozǵalysy toqtaǵanyn habarlady.

— Aýa-raıynyń nasharlaýyna baılanysty № 315, 316, 317, 327, 329 qala mańy baǵdarlardyń qozǵalysy ýaqytsha toqtatyldy. Basqa qala mańyna qatynaıtyn baǵdarlar lınııada, — delingen habarlamada.

Eske sala keteıik, buǵan deıin mereke kúnderi Astanada qoǵamdyq kólikter qalaı qatynaıtynyn jazǵan bolatynbyz.