Aýa raıyna baılanysty 13 óńirde eskertý jarııalandy
ASTANA. KAZINFORM – Kóktemniń sońǵy kúninde 13 óńirde aýa raıyna baılanysty eskertý jarııalandy.
«Qazgıdromet» RMK málimetinshe, Ulytaý oblysynda naızaǵaı kútiledi. Jezqazǵan qalasynda 31 mamyrda kúndiz naızaǵaı oınaýy yqtımal.
Qaraǵandy oblysynyń batysynda, soltústiginde, shyǵysynda naızaǵaı bolady dep boljanǵan. Túnde jáne tańerteń oblystyń batysynda, shyǵysynda tuman túsedi. Qaraǵandy qalasynda 31 mamyrda kúndiz naızaǵaı bolýy múmkin.
Atyraý oblysynda ońtústik-shyǵystan, ońtústikten jel soǵady, kúndiz oblystyń batysynda ekpini 15-20 m/s. Kúndiz oblystyń ońtústik-shyǵysynda 36 gradýs qatty ystyq kútiledi. Oblys boıynsha joǵary órt qaýipi kútiledi, batysynda tótenshe órt qaýipi saqtalady.
Batys Qazaqstan oblysynyń ońtústik-shyǵysynda naızaǵaı kútiledi. Ońtústik-batystan, ońtústikten jel soǵady, naızaǵaı kezinde ekpini 15-20 m/s. Oblys boıynsha joǵary órt qaýipi kútiledi, oblystyń batysynda (Jánibek aýdanynyń batys bóliginde) tótenshe órt qaýpi saqtalady. Oral qalasynda 31 mamyrda órt qaýipi joǵary bolady dep boljanǵan.
Mańǵystaý oblysynyń batysynda, ońtústiginde, ortalyǵynda shańdy daýyl kútiledi. Ońtústik-shyǵystan jel soǵady, oblystyń batysynda, ońtústiginde, ortalyǵynda ekpini 15-20 m/s kútiledi. Oblystyń soltústik-batysynda, ortalyǵynda órt qaýpi joǵary.
Jetisý oblysynyń Alakól kólderi aýdandarynda soltústik-shyǵystan jel soǵady, ekpini 15-20 m/s. Oblystyń shyǵysynda joǵary órt qaýpi saqtalady.
Aqtóbe oblysynyń soltústik-shyǵysynda naızaǵaı kútiledi. Oblysyń batysynda joǵary órt qaýipi saqtalady.
Shyǵys Qazaqstan oblysynyń soltústiginde, shyǵysynda, ońtústiginde naızaǵaı, burshaq kútiledi. Ońtústik-batystan soǵatyn jel soltústik-batysqa aýysady, oblystyń soltústiginde, shyǵysynda, ońtústiginde 15-20 m/s. Oblystyń ońtústiginde tótenshe órt qaýipi kútiledi.
Abaı oblysynyń shyǵysynda, ońtústiginde, ortalyǵynda naızaǵaı, burshaq kútiledi. Ońtústik-batystan soǵatyn jel soltústik-batysqa aýysady, oblystyń soltústiginde, ońtústiginde, ortalyǵynda 15-20 m/s.
Soltústik Qazaqstan oblysynyń ońtústiginde tuman kútiledi. Túnde oblystyń soltústiginde 3 gradýs úsik júrýi yqtımal. Petropavl qalasynda 31 mamyrda túnde topyraq betinde 2 gradýs úsik kútiledi.
Qostanaı oblysynyń batysynda, ońtústiginde naızaǵaı kútiledi. Kúndiz oblystyń ońtústiginde burshaq kútiledi. Túnde jáne tańerteń oblystyń soltústiginde, shyǵysynda tuman kútiledi. Soltústik-shyǵystan soǵatyn jel ońtústik–batysqa aýysady, kúndiz oblystyń ońtústiginde ekpini 15-20 m/s. Oblystyń ońtústiginde joǵary órt qaýpi saqtalady.
Qyzylorda oblysynyń shyǵysynda tótenshe órt qaýipi, oblystyń ortalyǵynda joǵary órt qaýipi saqtalady. Qyzylorda qalasynda 31 mamyrda joǵary órt qaýipi saqtalady.
Aqmola oblysynyń soltústiginde, batysynda tuman kútiledi. Túnde oblystyń soltústiginde, shyǵysynda 2 gradýs úsik kútiledi. Kókshetaý qalasynda 31 mamyrda túnde jáne tańerteń tuman kútiledi. Túnde topyraq betinde 2 gradýs úsik júrýi múmkin.
