Aýa raıyna baılanysty elimizdiń 14 óńirinde eskertý jarııalandy
Qazgıdromet 13 jeltoqsanda qolaısyz aýa raıyna baılanysty Qazaqstannyń 14 óńirinde eskertý jarııalady, dep habarlaıdy Kazinform «Qazgıdromet» RMK-ǵa silteme jasap.
Aqmola oblysynda qar jaýyp, burqasyn bolady. Jeldiń jyldamdyǵy – 15–20 m/s.
Kúndiz Qaraǵandy oblysynyń batysy, soltústigi jáne shyǵysynda qar jaýady. Túnde jáne tańerteń atalǵan óńirdiń soltústigi men shyǵysynda tuman túsedi.
Soltústik Qazaqstan oblysynda qar jaýyp, burqasyn kútiledi. Al óńirdiń batys bóliginde tuman túsýy yqtımal. 15–20 m/s jyldamdyqpen jel soǵady.
Tańerteń jáne túnde Qostanaı oblysynyń soltústigi men shyǵysynda qar túsedi. Burqasyn kútiledi. Atalǵan óńirdiń batysy men soltústiginde tuman túsip, 15–20 m/s jyldamdyqpen jel soǵady.
Shyǵys Qazaqstan oblysynyń soltústigi, shyǵysy jáne ońtústiginde qar jaýyp, burqasyn soǵady. Túnde jáne tańerteń soltústik jáne ońtústik aımaqta tuman túsedi. 15–20 m/s jyldamdyqpen jel soǵady.
Almaty oblysynyń taýly aımaqtarynda kúndiz qar jaýady, kóktaıǵaq bolady, tuman túsedi. 15–20 m/s jyldamdyqpen jel soǵady.
Jetisý oblysynyń ortalyǵy men taýly aımaqtarynda tuman túsip, kóktaıǵaq bolady. 15–20 m/s jyldamdyqpen jel soǵady.
Jambyl oblysynda qar jaýady dep boljanyp otyr. Burqasyn kútiledi, tuman túsip, kóktaıǵaq bolýy yqtımal. 15–20 m/s jyldamdyqpen jel soǵady.
Túrkistan oblysynyń taýly aımaqtarynda túnde qar jaýyp, ońtústik bóliginde jaıaý burqasyn, batysy men ońtústiginde tuman, kóktaıǵaq kútilip otyr. 15–20 m/s jyldamdyqpen jel soǵady.
Shymkentte tuman túsedi.
Qyzylorda oblysynda tuman kútiledi.
Aqtóbe oblysynyń batysy, soltústigi jáne shyǵysynda qar jaýyp, burqasyn bolady. Atalǵan óńirdiń ońtústiginde tuman túsedi.
Batys Qazaqstan oblysynyń soltústigi, shyǵysy jáne ońtústik-batysynda kúndiz qar jaýady. 15–20 m/s jyldamdyqpen jel soǵady.
Mańǵystaý oblysynyń soltústik-shyǵysynda tuman túsip, kóktaıǵaq bolady.
Atyraý oblysynyń ońtústigi men shyǵysynda tuman túsýi yqımal. Kóktaıǵaq kútilip otyr.
Eske sala keteıik, buǵan deıin úsh óńirde aýa raıyna baılanysty kólik qozǵalysyna shekteý qoıylǵanyn jazǵanbyz.