Aýa raıyna baılanysty eki óńirde kólik qozǵalysy shekteldi

ASTANA. KAZINFORM – QazAvtoJol aýa raıyna baılanysty eki oblysta kólik qozǵalysyna shekteý qoıylǵanyn habarlady.

18 aqpan saǵat 09:40-ta aýa raıynyń buzylýyna baılanysty kelesi respýblıkalyq mańyzy bar avtojoldarda barlyq kólik túriniń qozǵalysyna ýaqytsha shekteý engizildi:

Aqmola oblysy:

 – «Astana – Shiderti – Pavlodar – Ýspenka – RF shekarasy» avtojolynyń 16-200 shaqyrym aralyǵy (Astana qalasynan Pavlodar oblysynyń shekarasyna deıin).

 Pavlodar oblysy:

– «Astana – Shiderti – Pavlodar – Ýspenka – RF shekarasy» avtojolynyń 200-254 shaqyrym aralyǵy (Aqmola oblysynyń shekarasynan Shiderti aýylyna deıin). 

Aıta keteıik, joldy 18 aqpan saǵat 17:00-de ashý josparlanyp otyr. 

Eske salsaq, osyǵan deıin 18 aqpanda eldegi qaı joldar ashyq, qaısysy jabyq ekenin jazǵan edik.