Aýa raıyna baılanysty eki oblysta jol jabyldy
ASTANA. KAZINFORM — Abaı men Shyǵys Qazaqstan oblystarynda respýblıkalyq mańyzy bar eki ýchaske boıynsha kólik qozǵalysyna shekteý engizildi.
«QazAvtoJol» kompanııasynyń málimetinshe, aýa raıynyń nasharlaýyna baılanysty barlyq kólik túrleriniń qozǵalysyna shekteý qoıylǵan.
«Shyǵys Qazaqstan oblysynda saǵat 14:00-de «Almaty – Óskemen» avtojolynyń Abaı oblysy shekarasynan Ulan aýylyna deıingi bóliginde qozǵalys toqtatyldy», — delingen habarlamada.
Abaı oblysynda dál osy avtojoldyń Qalbataý aýylynan Shyǵys Qazaqstan oblysy shekarasyna deıingi bóliginde jol jabyldy.
QazAvtoJol ókilderi bul shekteýlerdiń aýa raıynyń kúrt nasharlaýyna baılanysty engizilgenin atap ótti. Qarly boran men kórý múmkindiginiń tómendigi jol qozǵalysynyń qaýipsizdigine qaýip tóndirip otyr.
Aldyn ala málimet boıynsha, joldar 28 jeltoqsan kúni saǵat 18:00-de qaıta ashylady dep kútilip otyr.
Jolǵa shyǵýdy josparlaǵan turǵyndar men júrgizýshilerge shuǵyl eskertýlerdi qadaǵalap, alys saparlardan ýaqytsha bas tartýǵa keńes beriledi.