Aýa raıyna baılanysty eki oblysta jol jabyldy
ASTANA. KAZINFORM – QazAvtoJol eki oblysta kólik qozǵalysyna shekteý qoıylǵanyn habarlady.
Búgin, 20 jeltoqsan saǵat 18:30-da aýa raıynyń nasharlaýyna baılanysty kelesi respýblıkalyq avtojoldarda júk jáne qoǵamdyq kólik túrleriniń qozǵalysyna shekteý engiziledi:
Aqtóbe oblysy:
- «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 965-1240 shaqyrym aralyǵy (Qarabutaq aýylynan Qyzylorda oblysynyń shekarasyna deıin);
Qyzylorda oblysy:
- «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1240-1362 shaqyrym aralyǵyndaǵy ýchaskesi (Aqtóbe oblysynyń shekarasynan Aral qalasyna deıin);
Joldy 2025 jylǵy 21 jeltoqsan saǵat 08:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
«Qazgıdromet» 20 jeltoqsanǵa jasalǵan el aýmaǵyndaǵy sınoptıkalyq jaǵdaılar men aýa raıynyń qaýipti qubylystaryna qatysty boljamyn jarııalaǵan edi.
