Aýa raıyna baılanysty eki oblysta jol jabyldy
ASTANA. KAZINFORM – QazAvtoJol aýa raıyna baılanysty Aqtóbe jáne Batys Qazaqstan oblystarynda kólik qozǵalysyna shekteý qoıylǵanyn málimdedi.
- 2025 jylǵy 16 qańtar saǵat 12:50-de aýa raıynyń buzylýyna baılanysty Aqtóbe-Oral-RF shekarasy avtojolynyń 526-702 shaqyrym aralyǵyndaǵy ýchaskesinde (BQO shekarasy-Marjanbulaq aýyly) júk jáne qoǵamdyq kólikterdiń qozǵalysyna shekteý qoıylady, - delingen habarlamada.
Joldy 16 qańtar saǵat 20:00-de ashý josparlanǵan. Sonymen qatar Batys Qazaqstan oblysynda kólik qozǵalysy shekteldi.
16 qańtar saǵat 12:50-de aýa raıynyń buzylýyna baılanysty Aqtóbe-Oral-RF shekarasy avtojolynyń 393-526 shaqyrym aralyǵyndaǵy ýchaskesinde (Jympıty aýyly - Aqtóbe oblysynyń shekarasy) júk jáne qoǵamdyq kólikterdiń qozǵalysyna shekteý qoıylady7
Joldy 2025 jylǵy 16 qańtar saǵat 20:00-de ashý josparlanǵan.
Buǵan deıin «Almaty-Óskemen» jáne «Almaty-Qorǵas» avtojoldarynyń bir bóligi jabylǵanyn jazǵan edik.