Aýa raıyna baılanysty eki oblysta jol jabylady
ASTANA. KAZINFORM — QazAvtoJol aýa raıyna baılanysty eki oblysta kólik qozǵalysyna shekteý qoıylatynyn habarlady.
Aqmola oblysynda kólik qozǵalysy shekteledi.
- 2025 jylǵy 28 qańtar saǵat 23:00-de aýa raıynyń buzylýyna baılanysty «Jezqazǵan-Petropavlsk» avtojolynyń 377-440 shaqyrym aralyǵyndaǵy ýchaskesinde (Qostanaı oblysy shekarasynan qalasyna deıin) kóliktiń barlyq túriniń qozǵalysyna shekteý qoıylady, - delingen habarlamada.
Joldy 29 qańtar saǵat 08:00-de ashý josparlanǵan. Sonymen qatar Qostanaı oblysynda kólik qozǵalysyna shekteý qoıylady.
- 2025 jylǵy 28 qańtar saǵat 23:00-de aýa raıynyń buzylýyna baılanysty «Jezqazǵan-Petropavlsk» avtojolynyń 339-377 shaqyrym aralyǵyndaǵy ýchaskesinde (Arqalyq qalasynan Aqmola oblysynyń shekarasyna deıin) kóliktiń barlyq túriniń qozǵalysyna shekteý qoıylady, - delingen habarlamada.
Qaraǵandy-Astana jolynda aýa raıy nasharlaǵanda jyldamdyqty qanshaǵa deıin tómendetý qajet ekenin jazǵan bolatynbyz.