Aýa raıyna baılanysty birneshe óńirde eskertý jarııalandy

ASTANA. KAZINFORM – 22 qazanda elimizdiń birneshe óńirinde qolaısyz aýa raıyna baılanysty eskertý jarııalandy.

Qazgıdromet sınoptıkteriniń boljamy boıynsha, Mańǵystaý, Atyraý, Jambyl, Qyzylorda, Aqtóbe jáne basqa da óńirlerde joǵary jáne tótenshe órt qaýpi saqtalady. Sonymen qatar birneshe oblysta tuman túsip, keı jerlerde ekpindi jel soǵýy múmkin.

Mańǵystaý oblysynda joǵary órt qaýpi saqtalady. Aqtaýda joǵary órt qaýpi bar.

Atyraý oblysynda soltústiginde, shyǵysynda, ortalyǵynda tuman túsedi. Oblystyń soltústiginde, ońtústiginde, shyǵysynda tótenshe órt qaýpi, oblystyń soltústik-shyǵysynda, ońtústik-shyǵysynda joǵary órt qaýpi saqtalady. Atyraýda túnde jáne tańerteń tuman túsedi. Tótenshe órt qaýpi saqtalady.

Jambyl oblysynyń taýly aýdandarynda tuman túsedi. Soltústik-shyǵystan jel soǵady, oblystyń soltústik-shyǵysynda, taýly aýdandarynda 15-20 m/s. Oblystyń batysynda, soltústiginde tótenshe órt qaýpi, oblystyń ortalyǵynda joǵary órt qaýpi saqtalady.

Batys Qazaqstan oblysynyń soltústik-shyǵysynda keı ýaqyttarda nóser jańbyr jaýady. Túnde jáne tańerteń oblystyń batysynda, soltústiginde tuman túsedi. Jel ońtústik-shyǵystan soǵady, túnde oblystyń shyǵysynda, ońtústiginde ekpini 15-20 m/s. Oblystyń ońtústiginde tótenshe órt qaýpi saqtalady. Oralda túnde jáne tańerteń tuman túsedi.

Abaı oblysynyń soltústiginde tuman túsedi. Oblystyń ońtústiginde joǵary órt qaýpi saqtalady.

Qaraǵandy oblysynda shyǵystan jel soǵady, oblystyń shyǵysynda, ońtústiginde ekpini 15-20 m/s.

Ulytaý oblysynda joǵary órt qaýpi, oblystyń ońtústiginde tótenshe órt qaýpi saqtalady. Jezqazǵanda joǵary órt qaýpi bar.

Aqtóbe oblysynda ońtústiginde, shyǵysynda joǵary órt qaýpi saqtalady, oblystyń batysynda, soltústik-shyǵysynda, ortalyǵynda tótenshe órt qaýpi saqtalady.

Qyzylorda oblysynda tótenshe órt qaýpi, oblystyń soltústiginde, ortalyǵynda joǵary órt qaýpi saqtalady. Qyzylordada joǵary órt qaýpi saqtalady.

Qostanaı oblysynyń soltústiginde, shyǵysynda tuman túsedi. Shyǵystan jel soǵady, kúndiz oblystyń ońtústiginde ekpini 15 m/s. Oblystyń ońtústiginde tótenshe órt qaýpi saqtalady, oblystyń ońtústik-batysynda joǵary órt qaýpi bar.

Jetisý oblysynda ońtústik-shyǵystan jel soǵady, Alakól kólderi aýdanynda ekpini 15-20, keı ýaqyttarda 25 m/s. Túnde oblystyń soltústiginde, ortalyǵynda jáne Taldyqorǵanda túnde 1-3 gradýs úsik júredi.

Pavlodar oblysynyń batysynda, soltústiginde, shyǵysynda tuman túsedi. Pavlodarda túnde jáne tańerteń tuman bolady.

Soltústik Qazaqstan oblysynyń soltústignde, shyǵysynda, ońtústiginde tuman túsedi. Petropavlda túnde jáne tańerteń tuman bolady.

Aqmola oblysynyń soltústiginde, shyǵysynda tuman túsedi. Oblystyń ońtústik-batysynda joǵary órt qaýpi saqtalady. Kókshetaýda túnde jáne tańerteń tuman bolady.

Aıta keteıik, «Qazgıdromet» RMQ sınoptıkteri aldaǵy kúnderdegi aýa raıyna boljam jasady.