Aýa raıyna baılanysty birqatar óńirde eskertý jarııalandy
ASTANA. KAZINFORM — «Qazgıdromet» RMK 21 mamyrǵa arnalǵan aýa raıy boljamyn jarııalady.
Abaı oblysynda túnde jáne tańerteń soltústiginde tuman túsedi. Soltústik-batysy men ońtústiginde asa joǵary órt qaýpi saqtalady, al ońtústik-shyǵysynda órt qaýpi joǵary.
Aqmola oblysynda túnde batysynda, kúndiz soltústigi men shyǵysynda naızaǵaı bolady. Kúndiz batysy, soltústigi jáne shyǵysynda ońtústik-batystan soǵatyn jel ekpini sekýndyna 15-20 metrge jetedi. Batysynda asa joǵary órt qaýpi saqtalady.
Aqtóbe oblysynda kúndiz soltústigi men batysynda naızaǵaı bolady. Soltústik pen batysta jeldiń ekpini sekýndyna 15-18 metrge deıin kúsheıedi. Batysy men ońtústiginde órt qaýpi joǵary, ońtústik-shyǵysynda asa joǵary. Soltústiginde de órt qaýpi joǵary.
Atyraý oblysynda kúndiz batysy, soltústigi men ońtústiginde naızaǵaı oınap, burshaq jaýady dep boljanyp otyr. Jel batysy, soltústigi men ońtústiginde sekýndyna 15-20 metrge deıin kúsheıedi. Shyǵysynda órt qaýpi joǵary, batysy men soltústik-shyǵysynda joǵary, ońtústiginde asa joǵary órt qaýpi saqtalady.
Shyǵys Qazaqstan oblysynda túnde jáne tańerteń soltústigi men shyǵysynda tuman bolady. Ońtústik-shyǵysynda asa joǵary, ońtústik-batysynda joǵary órt qaýpi bar.
Jambyl oblysynyń soltústigi men ońtústiginde shańdy daýyl soǵady. Soltústik-shyǵysy men taýly aımaqtarynda jeldiń ekpini sekýndyna 15-20 metr. Soltústigi men ońtústiginde órt qaýpi joǵary, batysy men shyǵysynda asa joǵary.
Jetisý oblysynyń ońtústigi men shyǵysynda órt qaýpi joǵary, ońtústik-shyǵysynda asa joǵary.
Batys Qazaqstan oblysynda túnde batysynda naızaǵaı, kúndiz batysy men soltústiginde nóser, naızaǵaı jáne burshaq kútiledi. Jel batysy, soltústigi men ońtústiginde sekýndyna 15-20 metr.
Qaraǵandy oblysynda kúndiz soltústiginde jel sekýndyna 15 metrge deıin jetedi. Shyǵysynda órt qaýpi joǵary.
Qostanaı oblysynyń soltústigi men shyǵysynda tańerteń jáne kúndiz naızaǵaı, burshaq jáne qatty jel turady dep boljanyp otyr. Túnde soltústigi, batysy men shyǵysynda, al kúndiz osy aýmaqtarda jel sekýndyna 15-20 metr, keı jerlerde 23 metrge deıin kúsheıedi. Ońtústiginde asa joǵary, ortalyǵynda joǵary órt qaýpi saqtalady.
Qyzylorda oblysynda kúndiz batysynda naızaǵaı, ortalyǵynda shańdy daýyl soǵady. Jel ońtústik-shyǵystan soltústik-shyǵysqa aýysyp, ortalyqta sekýndyna 15-20 metrge deıin kúsheıedi. Asa joǵary órt qaýpi saqtalady.
Mańǵystaý oblysynda kúndiz batysy, soltústigi men ortalyǵynda naızaǵaı oınaıdy. Jel ońtústik-shyǵystan soltústik-batysqa aýysyp, osy aýmaqtarda sekýndyna 15-20 metrge deıin jetedi. Batysynda órt qaýpi joǵary.
Pavlodar oblysynda kúndiz soltústigi men batysynda naızaǵaı bolady. Jel osy aýmaqtarda kúndiz sekýndyna 15-20 metr jyldamdyqpen soǵady. Shyǵysynda órt qaýpi joǵary, batysy men ońtústiginde asa joǵary.
Soltústik Qazaqstan oblysynda túnde batysy, soltústigi men ońtústiginde, al kúndiz batysy, soltústigi men shyǵysynda naızaǵaı, burshaq jáne qatty jel kútiledi. Jel túnde osy aýdandarda 15-20 metr, al kúndiz 23-28 metrge deıin kúsheıedi.
Ulytaý oblysynyń ońtústigi, shyǵysy men ortalyǵynda asa joǵary órt qaýpi saqtalady.