Aýa raıyna baılanysty birqatar óńirde eskertý jarııalandy
ASTANA. KAZINFORM – Qazgıdromet 7 qazanda aýa raıyna baılanysty birqatar óńirde daýyldy eskertý jarııalady.
Sınoptıkterdiń boljamyna sáıkes Mańǵystaý oblysynyń batysynda, soltústik-shyǵysynda joǵary órt qaýpi saqtalady. Aqtaýda 7 qazanda joǵary órt qaýpi saqtalady.
Kúndiz Qyzylorda oblysynyń ortalyǵynda, shyǵysynda shańdy daýyl turady. Kúndiz oblystyń ortalyǵynda, shyǵysynda soltústik-shyǵystan soqqan jeldiń ekpini 15-20 m/s bolady. Tótenshe órt qaýpi saqtalady. Qyzylordada kúndiz shańdy daýyl turyp, soltústik-shyǵystan jel soǵady, kúndizgi ekpini - 15-20 m/s.
Atyraý oblysynyń soltústiginde, ońtústiginde, shyǵysynda tótenshe órt qaýpi, oblystyń soltústik-shyǵysynda joǵary órt qaýpi saqtalady. Atyraýda 7 qazanda tótenshe órt qaýpi saqtalady.
Jambyl oblysynyń taýly aýdandarynda tuman túsip, oblystyń soltústik-shyǵysynda, taýly aýdandarynda soltústik-shyǵystan jel soǵady, ekpini - 15-20 m/s. Túnde oblystyń batysynda, soltústiginde, ońtústiginde, taýly aýdandarynda synap baǵany 1-3 gradýs sýyqty kórsetip, úsik júredi. Oblystyń batysynda, soltústiginde tótenshe órt qaýpi, oblystyń ortalyǵynda joǵary órt qaýpi saqtalady. Tarazda 7 qazanda túnde topyraq beti qatyp, 2 gradýs sýyq bolady.
Túrkistan oblysynda shyǵystan jel soǵady, kúndiz oblystyń taý asýlarynda soqqan jeldiń ekpini 15-20 m/s. 7-8 qazanda oblystyń soltústiginde, ońtústiginde, batysynda, shóldi aýdandarynda tótenshe órt qaýpi saqtalady. Túrkistanda 7-8 qazanda tótenshe órt qaýpi saqtalady.
7-9 qazanda Aqtóbe oblysynyń ońtústiginde, soltústiginde joǵary órt qaýpi, oblystyń batysynda, soltústik-shyǵysynda, ortalyǵynda tótenshe órt qaýpi saqtalady. Aqtóbede 7-9 qazanda joǵary órt qaýpi saqtalady.
Batys Qazaqstan oblysynyń batysynda, soltústiginde, ortalyǵynda joǵary órt qaýpi, oblystyń soltústik-batysynda, ońtústiginde, ońtústik-shyǵysynda tótenshe órt qaýpi saqtalady. Oralda 7 qazanda joǵary órt qaýpi bar.
Soltústik Qazaqstan oblysynyń soltústiginde, ońtústiginde tuman bolady. Petropavlda 7 qazanda túnde jáne tańerteń tuman túsý yqtımaldylyǵy joǵary.
Qostanaı oblysynyń soltústiginde tuman túsedi. Oblystyń ońtústiginde joǵary órt qaýipi saqtalady.
Aqmola oblysynyń batysynda, soltústiginde tuman túsedi. Kókshetaýda 7 qazanda túnde jáne tańerteń tuman túsý yqtımaldylyǵy joǵary.
Ulytaý oblysynyń shyǵysynda joǵary órt qaýpi, oblystyń ońtústiginde tótenshe órt qaýpi saqtalady.
Kúndiz Jetisý oblysynda soltústik-shyǵystan jel soǵady, kúndiz Alakól kólderi aýdanynda soqqan jeldiń ekpini 15-20 m/s. Túnde synap baǵany 1-6 gradýs sýyqty kórsetip, úsik júredi. Taldyqorǵanda 7 qazanda túnde synap baǵany 3-5 gradýs sýyqty kórsetip, úsik júredi.
Túnde Almaty oblysynyń taýly aýdandarynda tuman túsedi, synap baǵany 1-6 gradýs sýyqty kórsetip, úsik júredi. Oblystyń soltústiginde tótenshe órt qaýpi saqtalady. Almatyda jáne Qonaevta 7 qazanda túnde synap baǵany 1-3 gradýs sýyqty kórsetip, úsik júredi.
Aıta keteıik, «QazAvtojol» UK» AQ baspasóz qyzmeti respýblıkalyq avtojoldardaǵy aýa raıy týraly málimet jarııalady.