Aýa raıyna baılanysty birqatar óńirde eskertý jarııalandy

ASTANA. KAZINFORM — 9 mamyr kúni Qazaqstannyń 16 óńiri men Astanada daýyldy eskertý jarııalandy, dep habarlaıdy «Qazgıdromet» RMK.  

Mańǵystaý oblysynda kúndiz soltústigi men shyǵysynda naızaǵaı bolady. Oblys aýmaǵynda órt qaýpi joǵary bolady.

Jambyl oblysynda tańerteń jáne kúndiz taýly aýdandarda jańbyr jaýady. Oblystyń batysy, soltústigi, ońtústigi men taýly aýdandarynda naızaǵaı, burshaq kútiledi. Jel ońtústik-batystan, keı jerde ekpini 15-20 m/s, keıde 23-28 m/s deıin jetedi. Oblys aýmaǵynda órt qaýpi joǵary, batysy men ortalyǵynda tótenshe órt qaýpi bolady. 

Atyraý oblysynda soltústigi, ońtústigi jáne shyǵysynda naızaǵaı bolady, kúndiz soltústigi men shyǵysynda burshaq bolýy múmkin. Jel ońtústik-batystan, kúndiz shyǵysynda ekpini 15-20 m/s. Oblystyń ońtústigi men batysynda órt qaýpi joǵary. 

Almaty oblysynda kúndiz batysy, soltústigi, ońtústigi men taýly aýdandarynda naızaǵaı oınap, shańdy daýyl turady. Jel ońtústik-batystan, ekpini 15-20 m/s jetedi. Soltústik pen ortalyqta órt qaýpi joǵary. 

Aqtóbe oblysynda túnde ońtústigi men shyǵysynda, kúndiz búkil oblys aýmaǵynda naızaǵaı bolady. Túnde jáne tańerteń soltústiginde tuman bolady. Jel soltústik-batystan ońtústik-batysqa aýysyp, kúndiz 15-20 m/s ekpinimen soǵady. Ońtústik, ońtústik-shyǵys jáne batysynda órt qaýpi joǵary. Aqtóbe qalasynda túnde jáne tańerteń tuman, kúndiz naızaǵaı kútiledi.

Ulytaý oblysynda túnde shyǵys pen ortalyqta naızaǵaı, kúndiz naızaǵaı, soltústik pen shyǵysta burshaq jaýady. Jel ekpini 15-20 m/s, keı jerlerde 23 m/s deıin. Órt qaýpi joǵary. 

Qaraǵandy oblysynda túnde batysy men ońtústiginde, kúndiz kóptegen aýdada naızaǵaı bolady. Batysy, soltústigi men ońtústiginde burshaq jaýýy múmkin. Jel ekpini 15-20 m/s. Órt qaýpi joǵary. 

Jetisý oblysynda ortalyǵy men taýly aýdandarynda kúndiz naızaǵaı bolady. Jel ekpini 15-20 m/s. Órt qaýpi joǵary, batysynda tótenshe órt qaýpi bar. 

Pavlodar oblysynda kúndiz batysy, soltústigi jáne ońtústiginde naızaǵaı, burshaq kútiledi. Jel 15-20 m/s. Órt qaýpi joǵary. 

Qostanaı oblysynda naızaǵaı, kúndiz batysy men soltústiginde burshaq jaýady dep boljanyp otyr. Jel soltústik-shyǵystan 15-20 m/s jyldamdyqpen soǵady. Ońtústiginde órt qaýpi saqtalady. 

Batys Qazaqstan oblysynda batysy, soltústigi jáne ońtústiginde naızaǵaı, burshaq bolady. Jel ekpini 15-20 m/s. Órt qaýpi joǵary. Oralda naızaǵaı, burshaq, jel ekpini 18 m/s.

Shyǵys Qazaqstan oblysynda jel ekpini 15-20 m/s. Órt qaýpi joǵary.

Abaı oblysynda jel ekpini 15-20 m/s. Kúndiz 36 gradýsqa deıin ystyq. Órt qaýpi joǵary. 

Aqmola oblysynda túnde batysy, soltústigi jáne ońtústiginde, kúndiz kóptegen aýdanda naızaǵaı oınap, tuman túsip, burshaq jaýady. Jel ekpini 15-20 m/s jetedi. Órt qaýpi joǵary. 

Soltústik Qazaqstan oblysynda kúndiz ońtústiginde jańbyr jaýady. Túnde tuman túsedi. Naızaǵaı oınap, kúndiz burshaq jaýady dep boljanyp otyr. Jel 15-25 m/s. 

Astanada kúndiz naızaǵaı oınap, burshaq jaýady. Jel ekpini 15-18 m/s. Órt qaýpi joǵary.

Qyzylorda oblysynyń soltústigi men ortalyǵynda naızaǵaı bolady. Kúndiz shańdy daýyl turady. Jel ekpini 15-20 m/s jetedi. 

Aıta ketelik búgin birqatar óńirde eskertý jarııalanǵan edi.

https://kaz.inform.kz/news/aua-rayina-rayina-baylanisti-brkatar-onrde-eskertu-zhariyalandi-579e48/