Aýa raıyna baılanysty astanadaǵy búgingi otshashý erterek bastalady

ASTANA. KAZINFORM — Aýa raıyna baılanysty Astana kúni men ShYU sammıti qarsańynda uıymdastyrylǵan otshashýdy iske qosý jarty saǵat buryn bastalýy múmkin. 

Osylaısha otshashýdy iske qosýdyń boljamdy ýaqyty — 21:30-dan 22:30-ǵa deıin. 

«Qala turǵyndary men qonaqtarynan marshrýtyn aldyn ala josparlaýyn suraımyz» deıdi ákimdikten.

Tehnıkalyq daıyndyq maqsatynda 3 shilde saǵat 19:00-den bastap Botanıkalyq baq aýmaǵy ishinara jabylady.

Bul qorshaý azamattardyń qaýipsizdigi úshin qajet.

Otshashýdy irgeles aýmaqtardan, sonyń ishinde «Ulytaý» skverinen tamashalaýǵa bolady.

Otshashý jeke demeýshilik qarajat esebinen uıymdastyrylǵan.

Esterińizge sala keteıik, 6 shilde kúni saǵat 18:00-de EKSPO aýmaǵynda Open Air merekelik kontserti ótedi.

Kontsert aıaqtalǵannan keıin drondardyń jaryq shoýyn ótkizý josparlanyp otyr.

Drondar shoýynyń shamamen ótetin ýaqyty — saǵat 22:15 (22:30).