Aýa-raıyna baılanysty Almaty — Óskemen tasjolynyń bir bóligi jabyldy

QONAEV. KAZINFORM — Almaty oblysynyń Tótenshe jaǵdaılar departamenti aýa-raıyna baılanysty «Almaty-Óskemen» tasjolynyń bir bóligi jabylatynyn habarlady.

— «QazAvtoJol» UK AQ Almaty oblystyq fılıaly habarlamasy boıynsha 15 jeltoqsan 21:00–den bastap aýa-raıynyń nasharlaýyna baılanysty respýblıkalyq mańyzy bar «Almaty-Óskemen» avtojolynyń 77 shaqyrymy (Qonaev q.) men 124 shaqyrymy (Jetisý oblysynyń shekarasy) avtokólikteriniń barlyq túrleri úshin jabyldy, — dep habarlady oblystyq TJD baspasóz qyzmeti.

Eske salaıyq, buǵan deıin Almaty oblysynda «Alma-taý týrbazasyna kireberis» respýblıkalyq mańyzy bar avtojolynyń bir bóligi jabylǵanyn jazǵanbyz. 

Sondaı-aq 2025 jyldyń 31 naýryzyna deıin Almaty oblysynda birneshe avtojol jabylǵanyn jazǵan edik.