Aýa raıyna baılanysty Aqtóbe jáne Qyzylorda oblystarynda jol jabyldy
ASTANA. KAZINFORM – QazAvtoJol kólik qozǵalysyn shekteý týraly shuǵyl aqparat jarııalady.
2025 jylǵy 6 aqpan saǵat 11:30-da aýa raıynyń buzylýyna baılanysty kelesi respýblıkalyq avtojoldarda júk jáne qoǵamdyq kólikterdiń qozǵalysyna shekteý qoıylady:
Aqtóbe oblysy:
- «RF shekarasy-Aqtóbe-Qyzylorda-Almaty-QHR shekarasy» avtojolynyń 776-1240 shaqyrym aralyǵyndaǵy ýchaskesi (Aqtóbe qalasynan Qyzylorda oblysynyń shekarasyna deıin).
Qyzylorda oblysy:
- «RF shekarasy-Aqtóbe-Qyzylorda-Almaty-QHR shekarasy» avtojolynyń 1240-1362 shaqyrym aralyǵyndaǵy ýchaskesi (Aqtóbe oblysynyń shekarasynan Aral qalasyna deıin).
Joldy 6 aqpan saǵat 20:00-de ashý josparlanǵan.
Aıta keteıik, keshe aýa raıynyń qolaısyzdyǵyna baılanysty birneshe oblysta jol jabyldy.
