Aqtaý men Atyraý áýejaılarynda jolaýshylarǵa reısterdiń keshigetini habarlandy

ASTANA. KAZINFORM — Búgin Aqtaý jáne Atyraý qalalarynan ushyp shyǵýdy josparlap otyrǵan jolaýshylarǵa reısterdiń keshigetini týraly habarlama keldi. 

Bul jaǵdaıǵa óńirlerdegi jaısyz aýa raıy sebep bolǵany naqtylanady.

— Air Astana áýekompanııalar tobynyń atynan Aqtaý jáne Atyraýǵa ushatyn reısterdiń aýa raıynyń buzylýyna jáne Aqtaý, Atyraýǵa ushatyn ushaqtarda muzǵa qarsy óńdeý jumystaryn atqarý múmkin bolmaı jatqanyna baılanysty keshigip jatqanyn habarlaımyz, - delingen atalǵan áýe kompanııa habarlamasynda.

Jolaýshylarǵa áýejaıǵa shyqpas buryn reıske qatysty aqparatty resmı saıttan nemese mobıldi qoldanbadan qaraý usynylady.

Eske salsaq, budan buryn Airbus ushaqtaryna qatysty jaǵdaıǵa baılanysty Call-ortalyq iske qosylǵanyn jazǵanbyz.