Aýa raıyna baılanysty Abaı jáne Shyǵys Qazaqstan oblysynda jol jabyldy
ASTANA. KAZINFORM – QazAvtoJol eki oblysta kólik qozǵalysyna shekteý qoıylǵanyn habarlady.
Búgin, 25 jeltoqsan saǵat 22:30-da aýa raıynyń buzylýyna baılanysty respýblıkalyq mańyzy bar kelesi avtojoldarda kóliktiń barlyq túriniń qozǵalysyna shekteý qoıylady:
Abaı oblysy:
- «Almaty - Taldyqorǵan - Óskemen - Shemonaıha - RF shekarasy» avtomobıl jolynyń 971-1013 shaqyrym aralyǵyndaǵy ýchaskesi Qalbataý aýylynan ShQO shekarasy deıin);
Shyǵys Qazaqstan oblysy:
- «Almaty – Taldyqorǵan – Óskemen – Shemonaıha – RF shekarasy» avtomobıl jolynyń 1013-1062 shaqyrym aralyǵyndaǵy ýchaskesi (Abaı oblysynyń shekarasynan Rýbej beketine deıin);
Joldy 2025 jylǵy 26 jeltoqsan saǵat 09:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Buǵan deıin Jańa jyl túni Qazaqstan qalalarynda aýa raıy qandaı bolatynyn jazǵan edik.
