Aýa raıyna baılanysty Abaı oblysyndaǵy avtojolda kólik qozǵalysy shekteldi

ASTANA. KAZINFORM – QazAvtoJol Abaı oblysynda kólik qozǵalysyna shekteý qoıylǵanyn habarlady.

– 2025 jylǵy 12 naýryz saǵat 22:30-da Abaı oblysynda aýa raıynyń nasharlaýyna baılanysty «QHR shek. – Maıqapshaǵaı –Zaısan aınalma jolymen – Qalbataý – Semeı – Pavlodar – RF shek.» avtojolynyń 910-1002 shaqyrym aralyǵyndaǵy ýchaskesinde (Qalbataý a. - Kókpekti a.) barlyq kólik túriniń qozǵalysyna shekteý qoıylady, - delingen habarlamada.

Joldy 13 naýryz saǵat 08:00-de ashý josparlanǵan.

Qolaısyz aýa raıyna baılanysty poıyzdarda qosymsha oryndar uıymdastyrylǵanyn jazǵan bolatynbyz.