Aýa raıyna baılanysty 4 óńirde jol qozǵalysy shekteldi
ASTANA. KAZINFORM — 28 jeltoqsanda kún raıynyń qolaısyzdyǵyna baılanysty 4 oblysta respýblıkalyq mańyzy bar joldarda qozǵalys ýaqytsha shekteldi. Bul týraly QazAvtoJol kompanııasy málim etti.
Mańǵystaý oblysy
28 jeltoqsan saǵat 23:30–dan bastap Mańǵystaý oblysynda aýa raıynyń buzylýyna baılanysty respýblıkalyq mańyzy bar «Dossor — Qulsary — Beıneý — Saıótes — Shetpe — Jetibaı — Aqtaý» avtojolynyń 210-632 shaqyrym aralyǵynda (Atyraý oblysynyń shekarasynan Shetpe aýylyna deıin) kóliktiń barlyq túri úshin qozǵalysqa shekteý qoıylady.
Joldy 29 jeltoqsan saǵat 12:00–de ashý josparlanǵan.
Atyraý oblysynda
28 jeltoqsan saǵat 23:30–dan bastap Atyraý oblysynda aýa raıynyń buzylýyna baılanysty respýblıkalyq mańyzy bar «Dossor — Qulsary — Beıneý — Saıótes — Shetpe — Jetibaı — Aqtaý» avtojolynyń 130-210 shaqyrym aralyǵynda (Qulsary aýylynan Mańǵystaý oblysynyń shekarasyna deıin) kóliktiń barlyq túri úshin qozǵalysqa shekteý qoıylady.
Joldy 29 jeltoqsan saǵat 12:00–de ashý josparlanǵan.
Saǵat 23:45–te aýa raıynyń buzylýyna baılanysty Respýblıkalyq mańyzy bar kelesi avtojoldarda júk jáne qoǵamdyq kólik túrleri qozǵalysyna shekteý engizildi:
Aqtóbe oblysy
«RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtomobıl jolynyń 776-1240 shaqyrym aralyǵyndaǵy ýchaskesi (JQS «EKO oıl» — dan Qyzylorda oblysynyń shekarasyna deıin) jol qozǵalysy shekteldi.
Qyzylorda oblysy
«RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtomobıl jolynyń 1240-1362 shaqyrym aralyǵyndaǵy ýchaskesi (Aqtóbe oblysynyń shekarasynan Aral qalasyna deıin) jol jabyldy.
Joldy 29 jeltoqsan saǵat 08:00–de ashý josparlanǵan.
Aıta keteıik, Qazaqstannyń barlyq óńirinde daýyldy eskertý jarııalandy.