Aýa raıyna baılanysty 4 oblysta jol qozǵalysyna shekteý qoıyldy
ASTANA. KAZINFORM – 2 naýryz kúni saǵat 19:00-degi jaǵdaı boıynsha aýa raıynyń buzylýyna baılanysty tórt oblystaǵy respýblıkalyq mańyzy bar avtomobıl joldarynda kólik qozǵalysyna ýaqytsha shekteý engizildi.
Aqmola oblysy
– «Kókshetaý – Atbasar» avtojolynyń 105-184 shaqyrym aralyǵy (Balkashın aýyly – Atbasar qalasy).
Jetisý oblysy
– «Úsharal – Dostyq» avtojolynyń 84-164 shaqyrym aralyǵy (Kóktuma aýyly – Dostyq stantsııasy).
Abaı oblysy
– «Almaty – Taldyqorǵan – Óskemen – Shemonaıha – RF shekarasy» avtojolynyń 778-1013 shaqyrym aralyǵy (Aıagóz qalasy – Shyǵys Qazaqstan oblysy shekarasy).
Shyǵys Qazaqstan oblysy
– «Almaty – Taldyqorǵan – Óskemen – Shemonaıha – RF shekarasy» avtojolynyń 1013-1062 shaqyrym aralyǵy (Abaı oblysy shekarasy – Rýbej beketi).
Atalǵan ýchaskelerde kóliktiń barlyq túrleri úshin qozǵalys shekteldi. Joldardy 3 naýryz kúni saǵat 09:00-de ashý josparlanyp otyr.
Qazirgi ýaqytta respýblıkalyq joldardy kútip-ustaý jumystaryna 854 arnaıy tehnıka jumyldyrylǵan.
Qosymsha aqparatty táýlik boıy 1403 baılanys ortalyǵyna habarlasyp bilýge bolady.
Aıta keteıik, buǵan deıin Aqmola oblysynda «Kókshetaý – Atbasar» joly ýaqytsha jabylady.
