Aýa raıy: Soltústikte kóktaıǵaq bolýy múmkin

ASTANA. KAZINFORM — Qazgıdromet 11 qazanǵa arnalǵan aýa raıy boljamyn jarııalady.

Sınoptıkterdiń boljaýynsha, eldiń batysynda, soltústigi men ońtústiginde antıtsıklonnyń áseri birtindep álsirep, aýa raıy tsıklonnyń yqpalymen qalyptasa bastaıdy.

Atmosferalyq fronttardyń ótýi nátıjesinde respýblıkanyń basym bóliginde jańbyr jáne qar túrinde jaýyn-shashyn bolady. Soltústik jáne soltústik-batys óńirlerdiń keı jerinde kóktaıǵaq bolýy múmkin. Sonymen qatar el boıynsha tuman túsip, jel kúsheıedi.

Jetisý oblysynda 1-6 gradýs úsik júredi. Almaty oblysynyń soltústiginde, ońtústiginde, Jambyl oblysynyń batysynda, soltústiginde, taýly aýdandarynda 1-3 gradýs aıaz bolady.

Aýa temperatýrasy soltústik jáne ortalyq óńirlerde tómendeıdi. Túnde termometr baǵany -3-10 °C deıin, kúndiz -3+5 °C deıin tómendeıdi. Kún raıy basqa óńirlerde qalypty jaǵdaıda saqtalady.

Aıta keteıik, búgin 7 qalada aýa sapasy tómendeıdi.