Aýa raıy: soltústik óńirlerde burqasyn soǵyp, kóktaıǵaq bolady

ASTANA. KAZINFORM — «Qazgıdromet» RMK 23 qarasha kúngi aýa raıy boljamyn jarııalady. 

Sınoptıkterdiń boljaýynsha, kúndiz soltústikte jáne ortalyq aımaqtarda atmosferalyq frontaldy bólimderdiń ótýimen turaqsyz aýa raıy saqtalady. Bul aımaqtarda jańbyr men qar jaýady.

Eldiń soltústiginde burqasyn soǵyp, soltústik pen shyǵysta kóktaıǵaq bolady.

Qalǵan aımaqtarda antıtsıklon sileminiń áserinen jaýyn-shashynsyz aýa raıy boljanǵan.

Respýblıka boıynsha tuman túsip, soltústikte, soltústik-batysta, shyǵysta, ońtústikte jel kúsheıedi.

Aıta keteıik, búgin úsh qalada aýa sapasy nasharlaıdy.