Aýa raıy kúrt ózgeredi: jaýyn-shashyn kele jatyr

ASTANA. KAZINFORM — «Qazgıdromet» RMQ sınoptıkteri 4–6 sáýirge arnalǵan aýa raıy boljamyn jarııalady. 

Mamandardyń boljamynsha, barıkalyq tsıklondar men antıtsıklondardyń aýysýyna baılanysty jaıly aýa raıy jaýyn-shashyndy kúndermen almasady.

— Jańbyr jaýady dep boljanady, keı jerlerde naızaǵaı kútiledi. 4 sáýirde eldiń soltústik-batysynda, 5–6 sáýirde batys óńirlerde, 5 sáýirde ońtústik aımaqtarda keı ýaqytta qatty jańbyr jaýýy yqtımal, — delingen habarlamada.

Qazaqstan aýmaǵynda jel kúsheıedi, túngi jáne tańǵy ýaqytta tuman túsedi, al kúndiz keı óńirlerde burshaq pen daýyl bolýy múmkin.

Kúndizgi aýa temperatýrasynyń azdap ózgerýi kútiledi:

• eldiń batysynda 15–25 gradýstan 10–20 gradýsqa deıin tómendeıdi;
• soltústikte 11–20 gradýstan 15–20 gradýsqa deıin joǵarylaıdy;
• shyǵysta 15–23 gradýstan 20–28 gradýsqa deıin aýytqıdy;
• eldiń qalǵan aýmaqtarynda aıtarlyqtaı ózgeris kútilmeıdi.

Aıta keteıik, sınoptıkter búgin Qazaqstannyń kóptegen óńirinde qolaısyz aýa raıyna baılanysty eskertý jasaǵan bolatyn.