Aýa raıy kúrt ózgerdi: Qyzylorda polıtsııasy eskertý jasady
QYZYLORDA. KAZINFORM – Qyzylordalyq tártip saqshylary óńirde aýa raıynyń kúrt ózgerýine baılanysty júrgizýshilerge eskertý jasady.
- 10 qarasha kúni saǵat 18:10 shamasynda Qarabutaq-Qyzylorda jáne Samara – Shymkent tasjoldarynda jańbyr aralas qar jaýdy. Osyǵan baılanysty júrgizýshiler jolda barynsha saq bolǵany jón. Budan bólek jýyq arada oblys aýmaǵynda kóktaıǵaq pen tuman bolýy múmkin. Júrgizýshilerge aýa raıynyń qolaısyzdyǵyna baılanysty jyldamdyqty tómendetip, qaýipsiz araqashyqtyqty saqtaýǵa, kenetten tejeý men kúrt manevr jasaýdan aýlaq bolýǵa, jol jaǵdaıyn eskere otyryp, barynsha muqııat júrýge keńes beremiz, - delingen oblystyq polıtsııa departamentiniń habarlamasynda.
Polıtsııa qyzmetkerleri respýblıkalyq mańyzy bar avtojoldarǵa shyǵarda jol jaǵdaıyn eskerip, qozǵalys qaýipsizdigin qamtamasyz etý qajettigin eske saldy. Sondaı-aq avtokólikterdiń jazǵy dóńgelekterin qysqy shınaǵa aýystyrýǵa keńes berdi. Asa qajettilik bolmasa, alys jolǵa shyqpaýdy eskertti. Al jaıaý júrginshilerdi joldy tek belgilengen jerden kesip ótip, kólik qozǵalysyna muqııat bolýǵa shaqyrdy. Al qarańǵy ýaqytta jaryq shaǵylystyrǵysh elementterdi paıdalanǵan jón.
Buǵan deıin Almaty ákimdigi 10 qarasha keshki ýaqyttan bastap Almatyda jaýyn-shashyn túsip, 12 qarashaǵa qaraǵan túnge deıin jalǵasatynyn habarlady.
