Aýa raıy kúrt buzylady: Qazaqstannyń 15 óńirine eskertý jasaldy
ASTANA. KAZINFORM — 9 qyrkúıekte Astana men Qazaqstannyń 15 óńirinde qolaısyz aýa raıyna baılanysty daýyldy eskertý jarııalandy. Birqatar aımaqta jańbyr, naızaǵaı, tuman, shańdy daýyl jáne qatty jel kútiledi. Bul týraly «Qazgıdromet» RMQ málim etti.
Astanada órt qaýpi joǵary deńgeıde saqtalady.
Atyraý oblysy. Oblystyń ońtústigi men shyǵysynda jańbyr jaýyp, naızaǵaı oınaıdy. Soltústigi men shyǵysynda túnde jáne tańerteń tuman túsedi. Jel ońtústik-batystan, batystan soǵyp, soltústik jáne shyǵys bólikterinde ekpini sekýndyna 15-20 metrge jetedi. Soltústik, shyǵys jáne ońtústik aýdandarda órt qaýpi tótenshe deńgeıde saqtalady.
Abaı oblysy. Kúndiz oblystyń ońtústiginde azdaǵan jańbyr jaýyp, naızaǵaı oınaıdy. Soltústikten, soltústik-shyǵystan soǵatyn jel shyǵys jáne ońtústik bólikterde sekýndyna 15-20 metrge deıin kúsheıedi. Soltústik-batys pen ońtústikte órt qaýpi joǵary.
Aqtóbe oblysy. Kúndiz oblystyń soltústigi men ortalyǵynda jańbyr jaýyp, naızaǵaı oınaıdy. Soltústigi men batysynda túnde jáne tańerteń tuman kútiledi. Jel ońtústik-batystan, ońtústikten soǵyp, kúndiz soltústik jáne batys aýdandarda sekýndyna 15-20 metrge deıin kúsheıedi. Soltústik-shyǵys pen soltústik-batysta órt qaýpi joǵary, al oblys boıynsha tótenshe órt qaýpi saqtalady.
Aqmola oblysy. Kúndiz oblystyń batysynda azdaǵan jańbyr jaýyp, naızaǵaı oınaıdy. Batys, soltústik jáne ońtústik aýdandarda shańdy daýyl bolýy múmkin. Jel ońtústik-shyǵystan, ońtústikten soǵyp, soltústik jáne batys bólikterinde sekýndyna 15-20 metrge deıin kúsheıedi. Batys, soltústik jáne ońtústikte órt qaýpi joǵary.
Shyǵys Qazaqstan oblysy. Tańerteń jáne kúndiz oblystyń shyǵysy, ońtústigi men taýly aýdandarynda jańbyr jaýyp, naızaǵaı oınaıdy. Jel soltústik-shyǵystan ońtústik-shyǵysqa aýysady. Shyǵys jáne ońtústik aýdandarda jeldiń ekpini sekýndyna 15-20 metrge jetedi. Oblystyń ońtústik-shyǵysynda órt qaýpi joǵary.
Jambyl oblysy. Kúndiz oblystyń taýly aýdandarynda soltústik-shyǵystan soǵatyn jeldiń ekpini sekýndyna 15-20 metrge deıin kúsheıedi. Oblysta tótenshe órt qaýpi saqtalady.
Batys Qazaqstan oblysy. Jańbyr jaýyp, naızaǵaı oınaıdy. Kúndiz oblystyń soltústigi men shyǵysynda qatty jańbyr, burshaq jáne shkval kútiledi. Jel ońtústik-batystan soǵyp, kúndiz soltústik jáne shyǵys aýdandarda sekýndyna 15-20 metrge deıin kúsheıedi. Ońtústik-shyǵysta tótenshe, shyǵysta joǵary órt qaýpi saqtalady.
Qaraǵandy oblysy. Jel ońtústik-shyǵystan soǵady. Kúndiz oblystyń batysy men ońtústiginde jeldiń ekpini sekýndyna 15 metrge jetedi. Batys, soltústik, shyǵys jáne ortalyq aýdandarda órt qaýpi joǵary.
Qostanaı oblysy. Túnde oblystyń ońtústiginde, al kúndiz soltústik, shyǵys jáne ońtústik aýdandarda jańbyr jaýyp, naızaǵaı oınaıdy. Jel ońtústik-shyǵystan soǵyp, batys jáne soltústik bólikterde sekýndyna 15-20 metrge deıin kúsheıedi. Soltústik-batysta órt qaýpi joǵary, al ońtústik, ońtústik-shyǵys jáne ortalyq aýdandarda tótenshe órt qaýpi saqtalady.
Qyzylorda oblysy. Soltústik jáne ortalyq aýdandarda jańbyr jaýyp, naızaǵaı oınaıdy. Kúndiz shyǵysynda shańdy daýyl kútiledi. Jel soltústik-batystan soǵyp, shyǵysynda sekýndyna 15-20 metrge deıin kúsheıedi. Oblys boıynsha tótenshe órt qaýpi saqtalady.
Mańǵystaý oblysy. Batysy men soltústiginde jańbyr jaýyp, naızaǵaı oınaıdy. Jel soltústik-batystan soǵyp, kúndiz oblystyń ortalyǵynda sekýndyna 15-20 metrge deıin kúsheıedi. Soltústik, shyǵys jáne ortalyq aýdandarda tótenshe órt qaýpi saqtalady.
Pavlodar oblysy. Oblystyń ortalyǵy men soltústiginde, sondaı-aq ońtústiginde órt qaýpi joǵary deńgeıde saqtalady.
Soltústik Qazaqstan oblysy. Kúndiz oblystyń batysy men ońtústiginde jańbyr, naızaǵaı, burshaq, shkval jáne shańdy daýyl kútiledi. Batysynda túnde jáne tańerteń tuman túsedi. Jel ońtústik-shyǵystan soǵyp, túnde batys jáne ońtústik aýdandarda sekýndyna 15-20 metrge, kúndiz 15-20 metrge deıin kúsheıedi. Batys jáne ońtústik bólikterde jeldiń ekpini sekýndyna 25 metrge jetýi múmkin. Ońtústik pen shyǵysta órt qaýpi joǵary.
Túrkistan oblysy. Kúnniń ekinshi jartysynda oblystyń batysy men taýly aýdandarynda qysqa merzimdi jańbyr jaýyp, naızaǵaı oınaıdy. Kúndiz batys pen soltústikte shańdy daýyl kútiledi. Jel soltústik-batystan soǵyp, batys, soltústik jáne taýly aýdandarda sekýndyna 15-20 metrge deıin kúsheıedi.
Ulytaý oblysy. Kúndiz oblystyń batysy men ońtústiginde jańbyr jaýyp, naızaǵaı oınaıdy. Tańerteń jáne kúndiz soltústik, ońtústik jáne ortalyq aýdandarda ońtústik-shyǵystan soǵatyn jeldiń ekpini sekýndyna 15-20 metrge jetedi. Oblysta tótenshe órt qaýpi saqtalady.
