Aýa raıy qubylyp tur: 27 maýsymda da jańbyr jaýyp, jel kúsheıedi

ASTANA.KAZINFORM — 2025 jylǵy 27 maýsymǵa arnalǵan Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljamdy «Qazgıdromet» RMK taratty. 

Atmosferalyq fronttar respýblıka aýmaǵynyń basym bóliginde óz yqpalyn saqtap qalady — naızaǵaıly jańbyr jaýady. Eldiń batysynda, soltústiginde, shyǵysynda jáne ortalyǵynda nóser jańbyr jaýyp, keı jerlerde burshaq jaýýy múmkin. Respýblıkanyń kóptegen óńirlerinde jel kúsheıedi, al ońtústikte shańdy daýyldar kútiledi.

Abaı oblysynyń ortalyǵynda, Almaty oblysynyń ońtústigi men shyǵysynda, Aqmola oblysynyń soltústik-batysynda, Jambyl oblysynyń ońtústigi men soltústiginde, Batys Qazaqstan oblysynyń batysy men shyǵysynda, Soltústik Qazaqstan oblysynyń ońtústiginde, Atyraý oblysynda, Mańǵystaý oblysynyń soltústik-batysy men ortalyǵynda, Shyǵys Qazaqstan oblysynyń soltústiginde joǵary órt qaýpi saqtalady.

Tótenshe órt qaýpi Jambyl, Qyzylorda, Túrkistan oblystarynda, Almaty oblysynyń soltústigi men batysynda, Qaraǵandy oblysynyń batysy, shyǵysy jáne ońtústiginde, Aqtóbe oblysynyń batysy men ortalyǵynda, Qostanaı oblysynyń soltústigi men ońtústiginde, Shyǵys Qazaqstan oblysynyń ońtústik-shyǵysynda, Ulytaý oblysynyń batysy men ońtústiginde, Jetisý oblysynyń soltústigi, ońtústik-shyǵysy jáne ortalyǵynda, Abaı oblysynyń batysy men ońtústiginde kútiledi.