Aýa raıy qolaısyzdyǵynan dalada qalǵan jolaýshylarǵa qosymsha poıyz jiberildi
ASTANA. KAZINFORM — Kún raıynyń qolaısyzdyǵynan 500-den astam adam jolda qaldy.
— Aýa raıynyń kúrt nasharlaýyna baılanysty Astana–Qaraǵandy jáne Astana–Şýchınsk baǵyttaryndaǵy tas joldarda ýaqytsha shekteý qoıyldy. Osy oraıda ulttyq tasymaldaýshy kompanııa 500-den astam jolaýshyny jetkizý úshin qosymsha poıyzdar uıymdastyrdy, — delingen «Jolaýshylar tasymaly» AQ baspasóz qyzmeti taratqan habarlamada.
Jol boıynda qalǵan jolaýshylardy tasıtyn poıyzdar kelesi stantsııalardan uıymdastyrylady:
Býrabaı kýrorty stantsııasynan (Astanaǵa deıin):
• № 6830 «Kókshetaý-Astana»;
• № 7508 «Kókshetaý-Nurly-Jol».
Sarybel stantsııasynan (Qaraǵandy men Astanaǵa deıin):
• № 6857 «Qaraǵandy-Astana».
— Ulttyq tasymaldaýshy jolaýshylardyń qaýipsizdigi men kólik qoljetimdiligin qamtamasyz etý úshin barlyq qajetti sharalardy qabyldap jatyr. Qolaısyz aýa raıy kezinde jolaýshylar tasymaly erekshe baqylaýda. Barlyq azamatty saqtyq sharalaryn saqtaýǵa jáne alys saparlarǵa shyqpaýǵa shaqyramyz, — deıdi kompanııadan.
Buǵan deıin Qaraǵandy oblysynyń joldarynda myńnan astam kólik keptelip qalǵany týraly habarlaǵan edik.
Sondaı-aq elordada kún raıynyń qolaısyzdyǵynan ushaqtar keshigip jatyr.