Aýa raıy: Qazaqstannyń 13 oblysy jáne elordada eskertý jarııalandy

ASTANA. KAZINFORM – Qazaqstannyń 13 oblysynda jáne Astana qalasynda aýa raıyna baılanysty eskertý jarııalandy, dep habarlaıdy «Qazgıdromet» RMK baspasóz qyzmeti.

Qostanaı oblysynyń ońtústigi men shyǵysynda naızaǵaı jarqyldaıdy. Oblystyń soltústiginde, shyǵysynda, ońtústiginde soltústikten soǵatyn jel ekpini 15-20 m/s deıin jetedi. Túnde oblystyń soltústiginde 2 gradýs aıaz bolady. Qostanaı oblysynyń ońtústiginde joǵary órt qaýpi saqtalýda.

Batys Qazaqstan oblysynyń batysynda, soltústik-batysynda, ońtústik-batysynda órt shyǵý qaýpi joǵary.

Pavlodar oblysynyń ońtústiginde, batysynda jáne soltústiginde naızaǵaı oınap, burshaq jaýady. Ońtústik-batystan soǵatyn jel, kúndiz oblystyń ońtústiginde, batysynda, soltústiginde ekpini 15-20 m/s deıin jetedi.

Túrkistan oblysynyń soltústiginde tańerteń jáne kúndiz naızaǵaı oınap, shańdy daýyl soǵady. Tańerteń jáne kúndiz ońtústik-batystan soǵatyn jel ekpini oblystyń soltústigi men batysynda 15-20 m/s bolady. Oblystyń shóleıt aımaqtarynda asa joǵary órt qaýpi saqtalady.

Ulytaý oblysynyń batysynda, soltústiginde jáne ortalyǵynda túnde naızaǵaı oınaıdy, kúndiz batysynda, soltústiginde jáne ortalyǵynda naızaǵaı oınap, daýyl soǵady. Ońtústik, túnde ońtústik-shyǵystan soǵatyn jel oblystyń batysynda, kúndiz oblystyń batysynda, soltústiginde, ońtústiginde ekpini 15-20 m/s bolady. Ortalyqta joǵary órt qaýpi saqtalady.

Qaraǵandy oblysynyń soltústigi men shyǵysynda kúndiz qatty jańbyr jaýady. Túnde oblystyń batysymen soltústiginde naızaǵaı jarqyldaıdy, kúndiz soltústigi men shyǵysynda naızaǵaı oınap, burshaq jaýady, daýyl soǵýy yqtımal. Túnde ońtústikten soǵatyn jel batysta, kúndiz oblystyń soltústigi men shyǵysynda ekpini 15-20 m/s deıin jetedi. Oblystyń batysy men ońtústiginde joǵary órt qaýpi saqtalady.

Kúndiz Abaı oblysynyń batysynda jáne soltústik-batysynda naızaǵaı oınaıdy. Ońtústik-shyǵystan soǵatyn jel kúndiz ońtústik-batysqa aýysady, batysta, oblystyń soltústik-batysynda jel jyldamdyǵy 15-20 m/s deıin jetedi. Abaı aýdanynyń ońtústiginde joǵary órt qaýpi saqtalady.

Shyǵys Qazaqstan oblysynyń ońtústik-shyǵysynda joǵary órt qaýpi saqtalady.

Astanada 14 mamyrda kúndiz naızaǵaı oınap, burshaq jaýýy yqtımal. Soltústik-batystan soǵatyn jeldiń ekpini kúndiz 15-20 m/s.

Soltústik Qazaqstan oblysynyń soltústigi men shyǵysynda túnde qatty jańbyr jaýady. Túnde oblystyń soltústiginde, shyǵysynda, ońtústiginde, kúndiz soltústigi men shyǵysynda naızaǵaı oınap, burshaq jaýady, daýyl soǵýy múmkin. Soltústikten soǵatyn jeldiń kúshi 15-20 m/s, oblystyń soltústiginde, shyǵysynda, ońtústiginde ekpini 25 m/s. Túnde oblystyń batysynda topyraq betinde 2 gradýs aıaz bolatyny boljanyp otyr.

Qyzylorda oblysynyń batysynda, soltústiginde, ortalyǵynda, al kúndiz ońtústiginde naızaǵaı oınaıdy. Ońtústikten jel soǵady, kúndiz oblystyń shyǵysynda baǵyty soltústik-batysqa aýysady, kúshi 15-20 m/s. 14 mamyrda oblystyń batysynda joǵary órt qaýpi bar, Qazaly aýdanynda óte joǵary órt qaýpi saqtalady.

Aqmola oblysynyń batysynda, soltústiginde, kúndiz batysynda, ońtústiginde jáne shyǵysynda qatty jańbyr jaýady. Túnde oblystyń batysynda jáne soltústiginde naızaǵaı jarqyldaıdy, kúndiz oblystyń batysynda, ońtústiginde jáne shyǵysynda naızaǵaı oınaıdy, burshaq jaýady, daýyl soǵýy yqtımal. Soltústik-batystan jel soǵady, túnde batysta, oblystyń soltústiginde jel kúshi 15-20 m/s, ekpini 25 m/s deıin jetedi, kúndiz oblystyń ońtústiginde, shyǵysynda ekpini 15-20 m/s bolady.

Aqtóbe oblysynyń soltústiginde topyraq betinde 2 gradýs aıaz boljanyp otyr.

Atyraý oblysynyń soltústik-batysynda joǵary órt qaýpi saqtalady.