Aýa raıy buzylyp, úsh oblysta jol jabyldy

ASTANA.KAZINFORM – QazAvtoJol aýa raıynyń buzylýyna baılanysty úsh oblysta kólik qozǵalysyna shekteý qoıylǵanyn habarlady.

Pavlodar oblysy

Búgin, 8 qarasha saǵat 16:00-de Pavlodar oblysynda aýa raıynyń buzylýyna baılanysty respýblıkalyq mańyzy bar «Astana-Shiderti-Ýspenka- RF shek.» 255-416 shaq., (Shiderti aýylynan- Atameken aýylyna deıin) ýchaskesinde kóliktiń barlyq túrleriniń qozǵalysyna shekteý qoıylady.

Joldy 2025 jylǵy 9 qarasha saǵat 08:00-de ashý josparlanǵan.

Shekteý qoıylǵan joldar týraly tolyq aqparatty www.qaj.kz saıtyndaǵy «Aqparattyq kartadan» kóre alasyzdar.

Sonymen qatar búgin, 8 qarasha saǵat 16:30-da aýa raıynyń nasharlaýyna baılanysty kelesi respýblıkalyq avtojoldarda júk jáne qoǵamdyq kólikteriniń qozǵalysyna shekteý qoıyldy.

Aqmola oblysy

«Astana-Qaraǵandy-Almaty» avtojolynyń 30-92 shaqyrym aralyǵyndaǵy ýchaskesi (Jibek Joly aqy alý pýnktinen Qaraǵandy oblysynyń shekarasyna deıin).

Qaraǵandy oblysy

«Astana-Qaraǵandy-Almaty» avtojolynyń 92-164 shaqyrym aralyǵyndaǵy ýchaskesi (Aqmola oblysynyń shekarasynan Temirtaý aqy alý pýnktine deıin).

Joldy 9 qarasha saǵat 08:00-de ashý josparlanǵan. 1403 baılanys ortalyǵyna habarlasyp, táýlik boıy qosymsha aqparat alýǵa bolady.

Buǵan deıin aýa raıyna baılanysty eki oblysta jol jabylǵanyn jazǵan bolatynbyz.