Aýa raıy buzylyp, Pavlodar jáne Aqmola oblysynda jol jabyldy
ASTANA.KAZINFORM - QazAvtoJol eki oblysta kólik qozǵalysyna shekteý qoıylǵanyn habarlady.
Pavlodar oblysy:
2026 jylǵy 6 qańtar saǵat 13:00-de aýa raıynyń buzylýyna baılanysty «Astana – Shiderti – Pavlodar – Ýspenka – RF shekarasy» avtojolynyń 254-416 shaqyrymy aralyǵynda (Shiderti aýylynan Atameken aýylyna deıin) kóliktiń barlyq túriniń qozǵalysyna shekteý qoıyldy.
Joldy 2026 jylǵy 6 qańtar saǵat 18:00-de ashý josparlanǵan.
Aqmola oblysy:
Búgin, 6 qańtar saǵat 13:00-de aýa raıynyń nasharlaýyna baılanysty respýblıkalyq mańyzy bar «Astana – Qorǵaljyn» avtojolynyń 36-180 shaqyrym aralyǵyndaǵy ýchaskesinde (Aqmol aýylynan Qorǵaljyn qoryǵyna deıin) barlyq kólik túriniń qozǵalysyna shekteý qoıyldy.
Joldy 2026 jylǵy 6 qańtar saǵat 18:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Aıta keteıik, Túrkistan oblysynda qalyń tumanǵa baılanysty júrgizýshilerge jolda saq bolý eskertildi.
