Aýa raıy buzylyp, eki oblysta jol jabyldy
ASTANA. KAZINFORM – QazAvtoJol eki oblysta kólik qozǵalysyna shekteý qoıylǵanyn habarlady.
2026 jylǵy 28 qańtar saǵat 10:00-degi jaǵdaı boıynsha aýa raıynyń buzylýyna baılanysty 2 oblystaǵy 2 respýblıkalyq mańyzy bar avtomobıl jolynda kólik qozǵalysyna ýaqytsha shekteý qoıylǵan:
Qyzylorda oblysy:
- «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1486-1806 shaqyrym aralyǵy («Mıras» obektilik qyzmet kórsetý servısi – Qyzylorda qalasy).
Mańǵystaý oblysy:
- «Dossor – Qulsary – Beıneý – Saı-Ótes – Shetpe – Jetibaı – Aqtaý» avtojolynyń 338-718 shaqyrym aralyǵy (Beıneý eldi mekeni – Jetibaı eldi mekeni).
Qazirgi tańda respýblıkalyq joldardy kútip-ustaýǵa 786 birlik arnaıy tehnıka jumyldyryldy.
Buǵan deıin búgin, 28 qańtarda qaı joldar jabyq ekenin jazǵan edik.
