Aýa raıy buzylyp, eki oblysta jol jabyldy

ASTANA. KAZINFORM – QazAvtoJol elimizdiń eki oblysynda kólik qozǵalysyna shekteý qoıylǵanyn habarlady.

Búgin, 10 qańtar saǵat 21:45-de aýa raıynyń nasharlaýyna baılanysty kelesi respýblıkalyq avtojoldarda júk jáne qoǵamdyq kólik túrleriniń qozǵalysyna shekteý engiziledi:

Aqtóbe oblysy:

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 965-1240 shaqyrym aralyǵy (Qarabutaq aýyly – Qyzylorda oblysy shekarasy).

Qyzylorda oblysy:

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1240-1362 shaqyrym aralyǵyndaǵy ýchaskesi (Aqtóbe oblysy shekarasy – Aral qalasy).

Joldy 2026 jylǵy 11 qańtar saǵat 07:00-de ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Aıta keteıik, sınoptıkter 11 qańtar kúni Qazaqstannyń 15 oblysynda jáne Astanada aýa raıynyń qolaısyzdyǵyna baılanysty eskertý jarııalady.