Aýa raıy buzylyp, eki oblysta jol jabyldy

ASTANA. KAZINFORM – QazAvtoJol eki oblysta kólik qozǵalysyna shekteý qoıylǵanyn habarlady.

Abaı oblysy:

12 jeltoqsan saǵat 17:00-de aýa raıynyń buzylýyna baılanysty kelesi respýblıkalyq mańyzy bar avtojoldarda barlyq kólik túrleriniń qozǵalysyna shekteý qoıylady:

- «Almaty – Taldyqorǵan – Óskemen – Shemonaıha – RF shekarasy» avtojolynyń 971-1013 shaqyrym aralyǵy (Qalbataý aýyly – ShQO shekarasy) ;

- «QHR shekarasy – Maıqapshaǵaı – Zaısan aınalma joly – Qalbataý – Semeı – Pavlodar – RF shekarasy» avtojolynyń 1004-1087 shaqyrym aralyǵy (Kókpekti aýylynan Boǵas aýylyna deıin);

- «Qaraǵandy – Aıagóz – Tarbaǵataı – Boǵas» avtojolynyń 900-941 shaqyrym aralyǵy (Sátbaev aýylynan Boǵas aýylyna deıin)

Joldy 2025 jylǵy 13 jeltoqsan saǵat 07:00-de ashý josparlanǵan.

Shyǵys Qazaqstan oblysy:

12 jeltoqsan saǵat 17:00-de Abaı oblysynda aýa raıynyń buzylýyna baılanysty «Almaty – Taldyqorǵan – Óskemen – Shemonaıha – RF shekarasy» avtojolynyń 1013-1062 shaqyrym aralyǵynda (Abaı oblysy shekarasy - Rýbej beketi) kóliktiń barlyq túriniń qozǵalysyna shekteý qoıylady.

Joldy 2025 jylǵy 13 jeltoqsan saǵat 07:00-de ashý josparlanǵan.

Aıta keteıik, Jambyl oblysynda aýa raıyna baılanysty 700-ge jýyq avtokólik jınalyp qaldy.