Aýa raıy boljamy: taýly aımaqtarda aıaz bolady

ASTANA. KAZINFORM — «Qazgıdromet» RMK 7 qazanǵa arnalǵan aýa raıy boljamyn usyndy.

Sınoptıkterdiń boljaýynsha, el aýmaǵynyń basym bóligine soltústik-batys antıtsıklon jotasy yqpal etip jaýyn-shashynsyz aýa raıy saqtalady. Tek respýblıkamyzdyń soltústiginde, shyǵysynda atmosferalyq frontaldy bólikterdiń ótýimen jańbyr, qar jaýady. 

Elimizdiń ońtústiginde, ońtústik-shyǵysynda jel kúsheıedi. Respýblıkanyń soltústik-batysynda, soltústiginde, ońtústik-shyǵysyndaǵy taýly aımaqtarda - tuman, ońtústiginde - shańdy daýyl bolady.

Almaty jáne Jetisý oblysynda 1-6 gradýs úsik júredi. Jambyl oblysynyń batysynda, soltústiginde, ońtústiginde, taýly aýdandarynda 1-3 gradýs aıaz bolady.

Buǵan deıin sınoptıkter aldaǵy kúnderge arnalǵan aýa raıy boljamyn jarııalady.