Aýa raıy boljamy: 20 jeltoqsanda elimizdiń basym bóliginde qar jaýady
ASTANA. KAZINFORM – «Qazgıdromet» 20 jeltoqsanǵa jasalǵan el aýmaǵyndaǵy sınoptıkalyq jaǵdaılar men aýa raıynyń qaýipti qubylystaryna qatysty boljamyn jarııalady.
Boljam boıynsha 20 jeltoqsanda Qazaqstannyń búkil aýmaǵyna soltústik-batys tsıklonynyń jáne onymen baılanysty atmosferalyq frontaldy júıelerdiń yqpaly jalǵasady. Atap aıtqanda, burqasynmen birge qar kútiledi. Ásirese elimizdiń soltústik óńirinde qalyń qar jaýady. Kúndiz respýblıkanyń batysynda jáne ońtústik-shyǵysynda jańbyr men qar túrindegi jaýyn-shashyn kútilip otyr. Qazaqstan boıynsha tuman túsip, kóktaıǵaq bolady, jel kúsheıedi.
Senbi kúni elimizdiń barlyq aımaǵynda aýa raıyna qatysty eskertý jarııalanǵany da osyǵan deıin habarlanǵan bolatyn.
Eske sala ketsek, budan buryn birqatar óńirde qar jaýyp, boran soǵatynyn jazǵan edik.