Aýa raıy: 17 qarashada elimizdiń basym bóliginde tuman túsip, jel kúsheıedi

ASTANA. KAZINFORM – Qazgıdromet 17 qarashada aýa raıyna baılanysty birqatar óńirde eskertý jarııalady. 

Respýblıkanyń basym bóligi antıtsıklonnyń yqpalynda bolady, jaýyn-shashynsyz aýa raıy kútiledi. Atmosferalyq frontaldy ýchaskeler ótetin respýblıkanyń batysynda, soltústik-batysynda jáne soltústiginde ǵana jaýyn-shashyn (jańbyr, qar), kóktaıǵaq, burqasyn kútiledi, soltústik-batysta qarly boran soǵady. 

Respýblıka boıynsha tuman kútiledi, soltústikte, soltústik-batysta, shyǵysta jáne ońtústik-shyǵysta jel kúsheıedi. 

Eske sala keteıik, buǵan deıin 17 qarashaǵa arnalǵan aýa raıy boljamyn jarııalaǵan edik.