Aýa raıy: 15 qarashada elimizdiń basym bóliginde tuman túsip, jel soǵady

ASTANA. KAZINFORM - Qazgıdromet 15 qarashada aýa raıyna baılanysty birqatar óńirde eskertý jarııalady.  

Sınoptıkterdiń boljamy boıynsha, elimizdiń birqatar óńirinde tuman túsip, kóktaıǵaq bolady jáne ekpini kúshti jel soǵady.

Almaty oblysynyń soltústiginde, ońtústiginde tuman túsedi. Almatyda túnde jáne tańerteń tuman bolady. Qonaevta túnde jáne tańerteń tuman túsedi.

Aqmola oblysynyń batysynda, soltústiginde tuman, kóktaıǵaq bolady. Ońtústik-batystan jel soǵady, kúndiz oblystyń batysynda, soltústiginde ekpini 15-20 m/s. Kókshetaýda kóktaıǵaq bolady.

Astanada kóktaıǵaq bolady.

Atyraý oblysynyń batysynda, soltústiginde, ońtústiginde tuman túsedi. Atyraýda keı ýaqyttarda tuman bolady.

Qyzylorda oblysynyń soltústiginde, ońtústiginde, ortalyǵynda tuman túsedi. Qyzylordada túnde jáne tańerteń tuman bolady.

Aqtóbe oblysynyń soltústiginde, shyǵysynda tuman túsedi.

Soltústik Qazaqstan oblysynyń batysynda, soltústiginde, jaıaý burqasyn, kóktaıǵaq bolady. Oblystyń batysynda, ońtústiginde tuman túsedi. Ońtústikten, ońtústik-batystan jel soǵady, oblystyń batysynda, soltústiginde, ońtústiginde ekpini 15-20 m/s. Petropavlda ońtústikten, ońtústik-batystan jel soǵady, kúndiz ekpini 15-20 m/s.

Shyǵys Qazaqstan oblysynyń soltústiginde, shyǵysynda tuman túsedi.

Abaı oblysynyń shyǵysynda, ońtústiginde tuman bolady.

Qaraǵandy oblysynyń soltústiginde tuman túsedi. Ońtústik-shyǵystan jel soǵady, oblystyń ońtústiginde ekpini 15 m/s.

Ulytaý oblysynyń soltústiginde tuman bolady. Shyǵystan, ońtústik-shyǵystan jel soǵady, oblystyń shyǵysynda ekpini 15 m/s.

Mańǵystaý oblysynyń batysynda, soltústiginde, ortalyǵynda tuman túsedi. Aqtaýda túnde jáne tańerteń tuman bolady.

Qostanaı oblysynyń ońtústiginde kóktaıǵaq bolady. Túnde jáne tańerteń oblystyń batysynda, ońtústiginde, shyǵysynda tuman.

Batys Qazaqstan oblysynyń batysynda, soltústiginde, ońtústiginde tuman túsedi. Oralda da tuman bolady.