Aýa raıy: 13 qarashada elimizdiń basym bóliginde jaýyn-shashyn, kóktaıǵaq bolady

ASTANA. KAZINFORM – Qazgıdromet elimizdiń birqatar óńirinde aýa raıyna baılanysty eskertý jarııalandy.

Sınoptıkterdiń boljamy boıynsha, kúndiz Jetisý oblysynyń ortalyǵynda, shyǵysynda nóser jańbyr jaýady, taýly aýdandarynda keı ýaqyttarda jaýyn-shashyn (jańbyr, qar) bolady. Oblystyń soltústiginde, shyǵysynda, taýly aýdandarynda tuman túsý yqtımaldylyǵy joǵary. Oblystyń shyǵysynda, taýly aýdandarda batystan jel soǵady, ekpini - 15-20 m/s.

Pavlodar oblysynyń soltústiginde, shyǵysynda qar jaýady, jaıaý burqasyn júredi, kóktaıǵaq, tuman bolady. Oblystyń soltústiginde, shyǵysynda soltústik-batystan soqqan jeldiń ekpini 15-20 m/s. Pavlodarda 13 qarashada soltústik-batystan jel soǵady, ekpini - 15-20 m/s.

Mańǵystaý oblysynyń ońtústiginde tuman túsedi.

Astanada 13 qarashada tuman, kóktaıǵaq bolady dep boljanady.

Qostanaı oblysynyń batysynda, soltústiginde, shyǵysynda tuman jáne ortalyǵynda tuman túsedi.

Túnde Ulytaý oblysynyń shyǵysynda kóktaıǵaq, túnde jáne tańerteń oblystyń soltústiginde, shyǵysynda tuman bolady dep boljanady.

Qyzylorda oblysynyń ortalyǵynda tuman bolady.

Kúndiz Almaty oblysynyń taýly aýdandarynda keı ýaqyttarda jaýyn-shashyn (jańbyr, qar), oblystyń soltústiginde, ońtústiginde, taýly aýdandarynda tuman bolady. Oblystyń soltústiginde, shyǵysynda, taýly aýdandarynda batystan jel soǵady, ekpini - 15-20 m/s. Qonaevta 13 qarashada batystan soqqan jeldiń ekpini 15-20 m/s.

Abaı oblysynyń basym bóliginde jaýyn-shashyn (jańbyr, qar), kóktaıǵaq bolyp, jaıaý burqasyn júredi. Túnde jáne tańerteń oblystyń shyǵysynda tuman túsedi. Oblystyń soltústiginde, ońtústiginde, ortalyǵynda ońtústik-batystan soltústik-batysqa oıysa soqqan jeldiń ekpini 15-20 m/s, keı tusta 25 m/s deıin jetedi. Semeıde 13 qarashada jaýyn-shashyn (jańbyr, qar), kóktaıǵaq bolady, jaıaý burqasyn júredi. Ońtústik-batystan soltústik-batysqa oıysa soqqan jeldiń ekpini 15-20 m/s.

Shyǵys Qazaqstan oblysynyń basym bóliginde jaýyn-shashyn (jańbyr, qar), kóktaıǵaq bolady, jaıaý burqasyn júredi. Túnde jáne tańerteń oblystyń shyǵysynda tuman túsedi. Oblystyń soltústiginde, ońtústiginde, ortalyǵynda ońtústik-batystan soltústik-batysqa oıysa soqqan jeldiń ekpini 15-20 m/s, keı tusta 25 m/s deıin jetedi. Óskemende 13 qarashada jaýyn-shashyn (jańbyr, qar), kóktaıǵaq bolady, jaıaý burqasyn júredi. Ońtústik-batystan soltústik-batysqa oıysa jel soǵady, kúndizgi ekpini - 15-20 m/s.

Túnde jáne tańerteń Atyraý oblysynyń batysynda tuman túsedi.

13-15 qarashada túnde jáne tańerteń Túrkistan oblysynyń taýly aýdandarynda tuman bolady dep boljanady.

Qaraǵandy oblysynyń soltústiginde, ońtústiginde, shyǵysynda kóktaıǵaq, túnde jáne tańerteń oblystyń batysynda tuman bolady. Qaraǵandyda 13 qarashada túnde kóktaıǵaq bolady dep boljanady.

Soltústik Qazaqstan oblysynyń soltústiginde, shyǵysynda jaıaý burqasyn júredi, oblystyń ońtústiginde, shyǵysynda tuman túsedi. Oblystyń soltústiginde, shyǵysynda, ońtústiginde soltústik-batystan, batystan jel soǵady, ekpini - 15-20 m/s. Petropavlda 13 qarashada soltústik-batystan, batystan soqqan jeldiń kúndizgi ekpini 15-20 m/s.

Túnde jáne tańerteń Batys Qazaqstan oblysynyń soltústiginde, shyǵysynda jáne ortalyǵynda tuman bolady.

Aqmola oblysynyń shyǵysynda, ońtústiginde azdap qar jaýady, jaıaý burqasyn júredi, tuman túsedi, kóktaıǵaq bolady.

Kókshetaýda 13 qarashada tuman, kóktaıǵaq bolady.

Aldaǵy kúnderi Qazaqstan aýmaǵynyń basym bóligi tsıklon yqpalynda bolatynyn jazǵan bolatynbyz.