Aýa qanshalyqty taza ekenin qalaı bilýge bolady
ASTANA. KAZINFORM — Atmosferalyq aýanyń sapasy arnaıy synama alý jáne zerthanalyq taldaý arqyly anyqtalady, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Mınıstrlik atap ótkendeı, atmosferalyq aýanyń sapasyn baqylaý — qorshaǵan ortanyń jaı-kúıin baǵalaýdyń mańyzdy bóligi.
— Arnaıy baqylaý quraldarynyń kómegimen aýa quramyndaǵy lastaýshy zattar men usaq bólshekterdiń mólsheri anyqtalady. Synamalar belgilengen tártippen alynyp, zerthanada taldaýdan ótedi, — deıdi mamandar.
Aspaptardyń túrleri mynandaı:
GANK-4 – atmosferalyq aýadan gazdar men aerozolderdi jınaýǵa arnalǵan aspap;
Gazoanalızator – aýa quramyndaǵy belgili bir gazdardyń kontsentratsııasyn anyqtaıdy;
Aspırator – aýany arnaıy sorbentter arqyly ótkizip, lastaýshy zattardy jınaýǵa múmkindik beredi;
PM₂.₅/PM₁₀ ólshegishteri – aýadaǵy usaq qatty bólshekterdiń mólsherin anyqtaıdy.
Vedomstvo alynǵan nátıjeler qorshaǵan orta jaǵdaıyn baǵalaýǵa jáne aýa sapasyna monıtorıng júrgizýge negiz bolatynyn aıtty.
Buǵan deıin búgin Almaty men taǵy bir qalada aýa sapasy tómendeıtinin jazǵanbyz.
