Atyshýly vıdeoquttyqtaýǵa qatysty QR ІІM túsinik berdi
ASTANA. QazAqparat - QR Іshki ister mınıstrligi qoǵam talqysyna túsken polıtsııa qyzmetkeriniń jańajyldyq quttyqtaýyna qatysty pikir bildirdi, dep habarlaıdy QazAqparat.
Áleýmettik jelide polıtsııa kıimindegi qyzmetkerdiń quttyqtaýy taraǵan.
Ol óziniń quttyqtaý sózinde qylmys áleminiń adamdary jıi paıdalanatyn sózderdi aıtqany úshin jurtshylyqtyń synyna ushyrady. Sóz arasynda «bizdiń bratva, biz bandamyz» degen teńeýler kezdesedi.
Osyǵan baılanysty QR ІІM Іshki jáne syrtqy kommýnıkatsııalar departamentiniń dırektory Almas Sadýbaev túsinik berdi.
«Vedomstvolyq oqý ornynyń laýazymdy qyzmetkeri kózge túsken vıdeo zertteldi. Ol óziniń áriptesterine quttyqtaý joldaǵan. Beınejazbany 2018 jylǵy 31 jeltoqsanda ІІM Qaraǵandy akademııasynda birinshi kýrs basshysynyń orynbasary túsirgen», - dep jazdy A. Sadýbaev Feısbýktegi paraqshasynda.
Onyń sózine qaraǵanda, osy oqıǵa boıynsha qyzmettik tekserý júrip jatyr. Bul turǵyda atalǵan qyzmetker men onyń basshylary qatań tártiptik jaýapkershilikke tartylady, sondaı-aq qyzmetinen bosatý sharasy qabyldanýy múmkin.
