Atyshýly istegi Aıan Meıirbaevtyń psıhıkasy buzylǵany anyqtaldy
ASTANA. QazAqparat - Búgin Erasyl Áýbákirovke qatysty atyshýly istegi Aıan Meıirbaevtyń qorǵaýshysy Erlan Bilálov baspasóz máslıhatyn ótkizip, zardap shegýshini kim, qalaı, ne úshin óltirgenin, sondaı-aq, ózi qorǵap shyqqan Aıan Meıirbaevtyń psıhıkasy buzylǵanyn aıtyp berdi, dep habarlaıdy QazAqparat.
«Sózimniń basyn Aıan Meıirbaevtyń densaýlyǵyna qatysty aqparattan bastasam. Aıan Meıirbaev bolǵan oqıǵalardan keıin psıhıkalyq soqqy alyp, em qabyldaý ústinde. Zardap shege tura, túrmege otyryp shyǵý óte qatty psıhologııalyq jaraqat. Onyń psıhıkasy azdap buzyldy...»,-deıdi E. Bilálov.
Sondyqtan da, belgili kásipker Meıirbaevtyń uly Aıan em qabyldap, psıhıkasyn shetelde emes, Qazaqstandaǵy aýrýhanalardyń birinde qalpyna keltirip jatyr eken.
«Álgi vıdeo halyqty dúr silkindirdi. Kóp pikir aıtyldy, Aıan Meıirbaevty adam óltirdi dep kinálada. Biraq, Aıan Meıirbaevtyń bul qylmysqa qatysy joq. Bul sotaldy tergeý barysynda dáleldendi. Aıan Meıirbaev zardap shekkenin dáleldep, zardap shegýshi retinde jaýap berdi. Oqıǵa bylaı bolǵan: Aıan Meıirbaev kottedjge kelgen kezde onyń aıaq-qoly baılandy. Basyna paket kıgizip, qolyna kisen salǵan, kózi men aýzyn baılaǵan. Sosyn oǵan aıamaı araq bergen. Kúshpen araq berip, mas qyldyrǵan. Bizdiń boljam boıynsha, araqqa psıhotropty zattar qosylǵan. Sebebi, Aıannyń kóp ýaqyt boıy azǵasy ýdan qaıta almaı júrdi»,-deıdi Bilálov.
E.Bilálovtiń sózine sensek, keshe Erasyl Áýbákirovti óltirdi dep 20 jylǵa sottalǵan Nurbek Ájimbaı Aıan Meıirbaevtyń ákesinen 135 mln teńge kóleminde aqsha bopsalaǵysy kelgen. ıAǵnı, ózimen birge oqyǵan Aıan Meıirbaev oǵan ákesiniń jýyq arada óte qymbat kelisim jasaǵaly jatqanyn aıtqannan keıin, Ájimbaı Aıandy paıdalanyp, aqsha tappaq bolǵan. Sondyqtan, Aıandy da, marqum Erasyldy da aldap, kottedjge alyp kelgen. Biraq, advokat Erasyl nege ózi tanymaıtyn adamdar shaqyrǵan jerge barǵanyn túsindire alǵan joq. Aıandy masaıtyp, oǵan «sen Erasyl Áýbákirovpen jaqyndastyń» deıdi. Al mas Aıan Meıirbaev buny shyn kórip, Erasyl Áýbákirovti jyǵyp alyp, bul shyn ba, joq pa dep surap jatqan kórinedi. Mine, dál osy sátti vıdeoǵa túsirgen N.Ájimbaı Aıannyń ákesin bopsalaı bastaıdy.
E.Áýbákirovtiń ata-anasynyń advokaty aıtqandaı, Erasyldy qylmysker qylqyndyryp óltirgen.
Mine, 2016 jyldyń aqpan aıynda Astanany ǵana emes, Qazaqstandy dúr silkindirgen Erasyl Áýbákirovtiń ólimine qatysty qylmystyń biz bilmeı kelgen qupııasy osy eken. 12 qazan kúni Erasyl Áýbákirovti óltirdi degen Nurbek Ájimbaı 20 jylǵa, sybaılastary 11 jylǵa sottaldy.
