Atys qarýymen qaraqshylyq shabýyl jasaǵan qylmyskerler qolǵa tústi
ASTANA. 22 aqpan. QazAqparat /Aınur Kenebaeva/ - Aǵymdaǵy jyldyń 21 aqpanynda saǵat 21.00-de Astana qalasy páterleriniń birinde tonaý maqsatyndaǵy qaraqshylyq shabýyl áreketi oryn aldy.
Bul jóninde búgin Astana qalasy Іshki ister departamentiniń baspasóz qyzmeti málim etti.
20 jasar eki azamat úı ıesin sholaq myltyqpen qorqyta, páterge basyp kirgen. Aqsha talap etip, úı ıesin soqqyǵa jyqqan. Artynsha 2 uıaly telefondy alyp, belgisiz baǵytta iz jasyrǵan.
Astana qalasy Іshki ister departamenti Tergeý basqarmasy qyzmetkerleriniń shuǵyl izdestirý sharalary nátıjesinde qylmys jasaǵan eki azamattyń ustalǵany málim boldy. Qylmysty dáleldeıtin dáıekter tárkilenip, kúdiktilerdiń ústinen QR Qylmystyq kodeksiniń 179-baby boıynsha is qozǵaldy. Qazirgi tańda 2 azamat ýaqytsha ustaý ızolıatoryna qamalǵan.
