Atyraýlyqtarǵa kóshetter tegin taratylady
ATYRAÝ. QazAqparat - Atyraýlyqtarǵa kóshetter tegin taratylady. Aktsııaǵa qalalyq bılik bastamashy bolyp otyr jáne ol oblys ortalyǵyn kógaldandyrýǵa baǵyttalǵan, dep habarlaıdy QazAqparat.
Atyraý qalasynyń ákimi Álimuhammed Quttumuratulynyń tapsyrmasymen, kezekti jalpyqalalyq senbilik qarsańynda turǵyndarǵa kóshetter tegin beriledi. Oblys ortalyǵyn kógaldandyrýǵa baǵyttalǵan shara dástúrge aınaldyrady.
«Qalany kógaldandyrý - jergilikti bıliktiń ǵana emes, qala turǵyndarynyń da basym mindetteriniń biri. «Jyl saıyn bir jerge ǵana taldar egiledi, ýaqytynda sýarylmaıdy jáne durys kútim jasalmaıdy» degen qala turǵyndarynyń shaǵymdary áleýmettik jelilerde jıi kezdesedi. Bul joly biz turǵyndarǵa ózderi bastama kórsetip, kóshetterdi qalaǵan jerlerine otyrǵyzýdy usyndyq», - dedi qalalyq Turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysynyń m.a. Uzaq Tusaev.
Uzaq Tusaevyń aıtýynsha, kóshetterdi taratý barysynda turǵyndarǵa aǵash otyrǵyzý usynylatyn jerler eskertiledi. Bul, negizinen, qalanyń áleýmettik mekemeleri - balabaqshalar, mektepter, emhanalar jáne aýrýhanalar.
Kóshetterdi taratý aktsııasy 18 jáne 19 sáýirde «Arnaýlyavtobaza» JShS aýmaǵynda, saǵat 10.00-den 17.00-ge deıin ótkiziledi. Al tal egý senbi 20 sáýirge josparlanyp otyr.
Esterińizge sala keteıik, bıyl 16 naýryzda bastap Atyraýda eki aılyq sanıtarlyq-tazalyq naýqany bastaldy. Eger buǵan deıingi jalpyqalalyq senbilikter «Taza jaǵalaý» aktsııasy aıasynda ótkizilse, kelesi senbilikter oblys ortalyǵyn kógaldandyrýǵa arnalatyn bolady.
