Atyraýlyqtardy jumysqa ornalastyramyn dep aldaǵan alaıaq 3 jylǵa sottaldy
Atyraý oblysynyń Mahambet aýdandyq sotynda alaıaqtyq deregine qatysty qylmystyq is qaraldy.
«Sottalýshy A. jábirlenýshiler B. men Q.-ǵa WhatsArp jelisi arqyly sóılesip, olardyń jubaılaryn jumysqa ornalastyratynyn aıtqan. Alaıda, ózge adamdardy jumysqa kirgizetin múmkinshiligi bolmasa da, túrli sebeptermen birneshe ret aqsha qarajatyn óz esepshotyna aýdartqan. Nátıjesinde sottalýshy A. jábirlenýshilerdiń árqaısysynan 107 myń jáne 107 myń 150 teńgeni ıemdenip alyp, jubaılaryn jumysqa ornalastyrmaı, aldap ketken», -dep Mahambet aýdandyq sotynyń baspasóz qyzmeti.
Sotta sottalýshy A. taǵylǵan aıypty moıyndaǵan. Jábirlenýshilerge keltirilgen múliktik zalaldy tolyq ótegenin aıtyp, sottan jeńil jaza taǵaıyndaýdy surady Jábirlenýshiler keshirim bergen.
«Sottalýshynyń jasaǵan qylmystyq áreketi aýyr qylmys sanatyna jatady. Sol sebepten, sot úkimimen sottalýshy A. QR Qylmystyq kodeksiniń 190-baby 3-bóliginiń 4) tarmaǵymen kináli dep tanyldy. Oǵan 3 jyl merzimge bas bostandyǵyn shekteý jazasy taǵaıyndaldy», -dep málim etti aýdandyq sottyń baspasóz qyzmetinen.
Sot úkimi zańdy kúshine endi.
Eske sala ketelik, buǵan deıin oqý ortalyǵyna aldanǵan atyraýlyqtar oblys ákimine shaǵymdanǵanyn habarlaǵan bolatynbyz.
Atyraý qalasynyń prokýrory Rýslan Aıtımovtyń aıtýynsha, bul is saraptamaǵa jiberilgen. Al kúdikti qamaýǵa alyndy.
«Barlyq jábirlenýshiniń aryzy qabyldandy. Tergeý amaldary aıaqtaldy. Ortalyqqa 145 adam aldanǵan. Kúdikti qamaýǵa alyndy. Bul iske qatysty qoljazba jáne fonoskopııalyq saraptama taǵaıyndaldy. Saraptama qorytyndysy alynǵan soń, is sotqa joldanady. Kúdikti tórt áıelge qatysty sheshim qabyldanady», - dep málim etti Rýslan Aıtımov.