Atyraýlyqtar joldardyń qurylysyn onlaın qarap otyra alady
ATYRAÝ OBLYSY. QazAqparat - «Atyraý Tsıfrlyq Qabyldaý» qalalyq mobıldik qosymshasynda jol qurylysynyń aǵymdaǵy kólemin kórýge múmkindik beretin «Jol» modýli ashyldy, dep habarlaıdy QazAqparat tilshisi.
Atyraý oblysy ákimdigi baspasóz qyzmetiniń habarlaýynsha, qazirgi tańda modýlde qurylys júrip jatqan jol ýchaskeler, sondaı-aq qurylysy josparlanǵan ýchaskeler beınelengen. Turǵyndar olardyń arasynan ózderine qajetti kósheni taba alady jáne jol qurylysyna qatysty óz pikirlerin qaldyrýlaryna bolady.
«Qazirgi ýaqytta atalǵan modýl testileý satysynda, biz qala turǵyndary óz usynystarymen sońǵy nusqasyn qalyptastyrýǵa kómektesedi dep úmittenemiz» - dedi Atyraý oblysy ákimdiginiń baspasóz qyzmetinen.
Esterińizge sala keteıik, 2017 jyly Atyraý oblysynda 371 shaqyrym jol salyndy, bul 2016 jylǵy kórsetkishten 2 ese artyq. Osy jyly oblys ortalyǵyndaǵy joldardy salý men jóndeýge erekshe kóńil bólinedi, jeltoqsanǵa deıin jalpy uzyndyǵy 280 shaqyrym bolatyn 330 kóshege asfalt tóseý josparlanyp otyr.
